Tonulghan diniy zat, ölima abdulhekimxan mexsum hajim alemdin ötti

Ixtiyariy muxbirimiz erkin tarim
2016-12-22
Élxet
Pikir
Share
Print
Türkiyediki sherqiy türkistan ma'arip jem'iyitining rehbiri abdulhekimxan mexsum.
Türkiyediki sherqiy türkistan ma'arip jem'iyitining rehbiri abdulhekimxan mexsum.
RFA/Erkin Tarim

Türkiyening istanbul shehiride pa'aliyet élip bériwatqan "Sherqiy türkistan ma'arip we hemkarliq teshkilati" bilen "Sherqiy türkistan ölimalar birliki" ning qurghuchi ezasi we naziri, tonulghan diniy zat, pa'aliyetchi abdulhekimxan mexsum 12-ayning 22-küni etigen tuyuqsiz hoshidin kétip alemdin ötken. Uning wapati türkiyediki Uyghurlar arisida qayghu we musibet peyda qildi. Uning namizi 12-ayning 23-küni istanbul zeytinburnidiki emin inanch meschitide jüme namizidin kéyin chüshürülüp, depine qilinmaqchi.

Abdulhekimxan mexsum kim? uning Uyghur dewasigha qoshqan töhpisi némilerdin ibaret? uning 53 yilliq hayati qandaq hayat idi? bu heqte melumat igilesh üchün uning eng yéqin sepdishi hidayetulla oghuzxan ependi, sepdishi nimetullaq qarim, iqtisadshunas abduréshit abduxemit ependi we dunya Uyghur qurultiyi mu'awin re'isi séyit tümtürk ependiler bilen söhbet élip barduq.

Hidayetulla oghuzxan ependi, diniy zat ölima abdulhekimxan mexsumning hayati heqqide melumat berdi we merhumning Uyghur dewasigha qoshqan töhpisining zor ikenlikini tekitlidi.

Dunya Uyghur qurultiyi mu'awin re'isi séyit tümtürk ependi abdulhekimxan mexsum bilen on nechche yil burun yeni "Sherqiy türkistan ma'arip we hemkarliq teshkilati" ni qurush waqtida tonushqanliqini, uning qisqa waqit ichide körünerlik netijilerni qolgha keltürgen ölima ikenlikini bayan qildi.

Köp qétim abdulhekimxan mexsumning diniy söhbitini anglighan abduréshit abduxemit ependi, merhumning köp tereplimilik bilimge ige bir zat ikenlikini, uning wapatining "Sherqiy türkistan dewasi" üchün bir zor yoqitish ikenlikini bayan qildi.

Abdulhekimxan mexsum 1963-yili qeshqer wilayitining qaghiliq nahiyiside dunyagha kelgen. U, bashlan'ghuch, ottura we toluq ottura mektepni qaghiliqta püttürgendin kéyin, eyni chaghda Uyghur diyarida tonulghan ölima abdulhekimxan mexsumning qolida diniy ilimlerni ögen'gen. U, Uyghur élining herqaysi jaylirida bir mezgil diniy terghibat ishliri bilen shughullan'ghandin kéyin misirning paytexti qahirediki ezher uniwérsitétida magistirliqta oqughan we oqushni tamamlighandin kéyin türkiyege kélip yerleshken, türkiyede teshkilat qurup Uyghur yash-ösmürlerni diniy jehettin oqutushqa zor ehmiyet bergen.

Toluq bet