Dolqun eysa: merhum abdulhekimxan mexsum bilen axirqi qétim mekkide uchrashqan iduq

Ixtiyariy muxbirimiz haji qutluq qadiri
2016-12-29
Élxet
Pikir
Share
Print
5-Nöwetlik "Dunya sherqiy türkistanliqlar qérindashliq" yighinida abdulhékimxan mexsum Uyghurlardiki islamiy islahat heqqide toxtaldi. 2013-Yili 24-iyun, istanbul.
5-Nöwetlik "Dunya sherqiy türkistanliqlar qérindashliq" yighinida abdulhékimxan mexsum Uyghurlardiki islamiy islahat heqqide toxtaldi. 2013-Yili 24-iyun, istanbul.
RFA/Arslan

22-Dékabir etigende türkiyening istanbul shehiride pa'aliyet élip bériliwatqan "Sherqiy türkistan ma'arip we hemkarliq teshkilati" bilen "Sherqiy türkistan ölimalar birliki" ning qurghuchisi we mes'uli, tonulghan diniy alim, pa'aliyetchi abdulhekimxan mexsum hajim 53 yéshida tuyuqsiz wapat bolghandin buyan, dunyaning her qaysi jayliridiki Uyghur teshkilatliri oxshimighan shekillerde merhumning ish pa'aliyetlirini yad étish üchün türlük pa'aliyetlerni élip barmaqta.

Bügün shu munasiwet bilen bash shtabi gérmaniyediki dunya Uyghur qurultiyining bash katipi dolqun eysa ziyaritimizni qobul qilip, merhum heqqide öz eslimisi we köz qarashlirini otturigha qoydi.

Dunya Uyghur qurultiyining bash katipi dolqun eysa türkiyediki sherqiy türkistan ma'arip we hemkarliq jem'iyitining qurghuchisi merhum diniy alim abdulhekimxan mexsum hajim wapatining Uyghur xelqi üchün chong yoqitish bolghanliqini bildürdi we uning muhajirettiki Uyghur ma'aripini güllendürüshte körsetken pidakarliqi üstide toxtaldi.

Dolqun eysa merhum diniy alim abdulhekimxan mexsum hajining xitay zulumdin qéchip öz wetinidin ayrilip sherqiy jenubi asiya elliri arqiliq ming bir musheqqetler bilen türkiyege kelgen Uyghur yashlirigha meniwi jehettin köp telim bergenlikini alahide tekitlidi.

Dolqun eysa ziyaritimiz jeryanida, özining 2015-yili 2-ayda se'udi erebistanning mekke shehiride eng axirqi qétim merhum abdulhekimxan mexsum hajim bilen hem söhbette bolghanliqini, kéyinki yillarda bolsa taylandtiki Uyghur musapirlar mesilisi we yéqinqi waqitlardiki türkiyediki jama'et erbabi abduqadir yapchanning qolgha élinishidin ibaret bir qatar mesililerde merhum bilen élip bérilghan téléfon söhbetlirini eslep ötti.

Dolqun eysa yene, merhumning özide tesir qaldurghan bir qisim insaniy exlaqiy peziletliri toghrisidimu qisqiche toxtaldi.

Dolqun eysa axirida yene, yéqinqi yillardin buyan her qaysi islam elliride diniy ilim tehsil qilghan muhajirettiki Uyghur ölimalirining her jehette ortaq pikir hasil qilishi üchün merhum abdulhekimxan mexsum hajining körsetken tirishchanliqlirigha yuqiri baha bérish bilen birge, buningdin kéyinmu hijrettiki Uyghur diniy zatliridin merhum kebi mötiwerlerning yétiship chiqishigha ümid bilen qaraydighanliqini bildürdi.

Yuqiriqi awaz ulinishidin tepsilatini anglang.

Toluq bet