Fatima xanim: men ana tilimni, dinimni ögen'genlikim üchün bésimgha uchridim
2014.04.24

Kéyinki 20 yildin béri her xil yollar bilen chet'elge chiqiwatqan Uyghurlarning sani künsayin köpeymekte. Chiqiwatqan Uyghurlargha némishqa chet'elge chiqqanliqini sorighiningizda bularning köpi xitay hökümitining zulumigha chidiyalmay chiqqanliqini ilgiri sürmekte.
Bundin 9 yil burun Uyghur diyaridin chet'elge chiqqan, ismining fatima ikenlikini éytqan bir Uyghur ayal bizge béshidin ötkenlerni anglatti.
Uning éytishiche u, achisining öyide qur'an sawadini chiqirishqa barghanda xewpsizlik xadimliri sen néme üchün bu yerge köp kélisen? dep uning péyige chüshken. Kéyinche u özining öyige balilarni yighip qur'an we Uyghur tili ögetken. Buni bayqighan xitay xewpsizlik xadimliri uning inisini solap, qiyin - qistaqqa élip köp qiynighan, kéyin ukisi 3 yilliq qamaq jazasigha höküm qilin'ghan. Bu weqedin kéyin öz yurtida yashash imkani qalmighan fatima xanim ürümchige qéchip chiqip kitab sétip jan béqishqa bashlighan.
Jama'et xewpsizlik xadimliri uni ürümchidimu rahet qoyup bermigen, dawamliq halda uni nazaret astida tutup turghan. Fatima xanim xitay xewpsizlik xadimlirining teqib qilishidin qutulalmay axiri ming teste pasport béjirip chet'elge chiqqan. Uning éytishiche, u peqetla bashqilargha ana tili bilen dinini ögetkenliki üchün bésim we teqipke uchrighan. U, chet'elge chiqqandin kéyinmu döletsizlikning köp derdini tartqan. Töwende fatima xanim bilen élip barghan söhbitimizning tepsilatini anglitimiz.