“Ana yurt” zhurnilining yéngi sani neshrdin chiqti

Enqerede chiqidighan “Ana yurt” pesillik ilmiy zhurnilining yéngi sani oqurmenler bilen yüz körüshti.

“Ana yurt” zhurnilining 8-sanida abduweli ayupning “Abduxaliq Uyghur tetqiqatidiki yenggillikler”, proféssor muhemmed ali qaparning “Muhemmed eleyhssalam berpa qilghan jem'iyetning tüzülmisi we alahidilikliri”, yaponiyelik tarixchi sugawara jünning “1864-1865-Yilliridiki kucha ghojilirining ‛ghaziti‚ we bashqa tesiri küchler” namliq maqaliler hemde adil yüsüp terjime qilghan proféssor doktor bedi genjer ependining “Islam dunyasining zamaniwilishish hadisisi bilen imtihani” namliq maqalisige orun bérilgen.

Bu maqaliler dunyaning herqaysi jayliridiki Uyghur ziyaliyliri we chet'ellik mutexessislerning ilmiy emgekliri bolup, bular Uyghurlarning tarixi, ijtima'iy ehwali we siyasiy weziyitini özige singdürgen halda “Ana yurt” zhurnilining bir pütün gewdisini teshkil qilidu.

Biz zhurnalning yéngi sani we bu sanda élan qilin'ghan maqaliler toghrisida köz qarishini igilesh üchün “Abduxaliq Uyghur tetqiqatidiki yenggillikler” mawzuluq maqalining aptori abduweli ayup ependi we zhurnalning igisi doktor nurexmet qurban ependiler bilen söhbet élip barduq.