Norwégiyediki Uyghurlar barin inqilabini xatirilidi

Ixtiyariy muxbirimiz haji qutluq qadiri
2016.04.06
norwegiye-uyghur-islam-medeniyet-merkizige.jpg Norwégiyediki Uyghurlar paytext oslodiki Uyghur islam medeniyet merkizide barin inqilabini xatirilidi. 2016-Yili 3-aprél, oslo.
RFA/Qutluq

3-Aprél norwégiyediki Uyghurlar paytext oslodiki Uyghur islam medeniyet merkizige jem bolup barin inqilabining 26 yilliqini xatirilidi.

Norwégiye Uyghur komitétidin igilishimizche, norwégiyening her qaysi sheherlirige jaylashqan Uyghurlar paytext oslodiki Uyghur islam medeniyet merkizige jem bolup, barin inqilabining 26 yilliqini xatiriligen.

Xatirilesh pa'aliyiti aldi bilen qur'an tilawet qilishtin bashlan'ghan bolup, qur'an tilawitidin kéyin téléfon ziyaritimizni qobul qilghan oslo Uyghur islam medeniyet merkizining meschit imami memet'imin hajim barin shéhitliri heqqide toxtaldi.

Barin inqilabini xatirilesh pa'aliyitide norwégiye Uyghur komitétining re'isi néghmet tursun hajim mezkur inqilabning tarixiy jeryani toghrisida köpchilikke tepsiliy chüshenche bergen.

Ziyaritimizni qobul qilghan néghmet tursun hajim barin inqilabining 26 yilliqini xatirilesh pa'aliyiti heqqide toxtaldi.

Xatirilesh pa'aliyitige qatnashqan oslo Uyghur islam medeniyet merkizining terbiyichiliridin turghunjan emet öz tesiratini bayan qilip ötti.

Axirida, ma'aripchi néghmet tursun hajim barin inqilabigha oxshash yéqinqi zaman Uyghur tarixida élip bérilghan inqilablarni xatirileshning ehmiyiti heqqide toxtaldi.

Igilishimizche, barin shéhitlirige atap qur'an tilawet qilish pa'aliyiti shu yer waqti chüshtin kéyin sa'et üchte bashlinip kechke qeder dawamlashqan bolup,pa'aliyet jeryanida köpchilik yene dunya Uyghur qurultiyining bezi bir yolyoruqliri üstide söhbet élip barghan.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.