"Yawropa sherqiy türkistan birliki" barin weqesining 26 yilliqini xatirilidi

Ixtiyariy muxbirimiz ekrem
2016-04-05
Share
germaniye-barin-xatirisi-2.JPG Myunxénda ötküzülgen barin inqilabining 23 yilliqini xatirilesh pa'aliyitidin körünüsh. 2013-Yili 7-aprél, gérmaniye.
RFA/Ekrem

Bügün barin weqesining 26 yilliq xatire küni. Chet'ellerdiki Uyghurlar her yili barin weqesini oxshash bolmighan shekillerde yad etmekte.

Barin inqilabi 1990 - yili 5 - aprél aqtu nahiyesining barin yézisida Uyghur déhqanlirining xitay hakimiyitige qarshi élip barghan bir qétimliq qoralliq herikiti bolup, chet'ellerdiki Uyghurlar her yili bu weqening xatire künini türlük shekillerde xatirilep kelmekte.

Bügün bash shtabi gérmaniyede bolghan yawropa sherqiy türkistan birliki teshkilatimu barin weqesining 26 yilliqi munasiwiti bilen muhakime we söhbet yighini uyushturdi. Yighin ehli barin weqesining tarixini eslep ötti hemde bu weqege bolghan özlirining bahaliri, tesiratlirini bayan qilishti. Yighin'gha teshkilat re'isi enwerjan, d u q ning gérmaniyediki rehberliri we bir qisim siyasiy aktiplar hem ziyaliylar qatnashti.

Biz bu heqte, Uyghur siyasiy zatliridin erkin aliptékin ependi, bügünki bu söhbet yighinini teshkilligen yawropa sherqiy türkistan birliki teshkilatining re'isi enwerjan we Uyghur ziyaliyliridin perhat muhemmidi ependilerni ziyaret qilip, ularning qarashliri we bahalirini anglash pursitige érishtuq.

Yawropa sherqiy türkistan birliki teshkilatining re'isi enwerjan ependi aldi bilen, barin weqesini xatirilesh munasiwiti bilen uyushturulghan bu yighin heqqide toxtilip ötti.

Erkin aliptékin ependi bolsa, barin weqesi yüz bergendin kéyin gherb elliride mezkur weqe heqqide tarqalghan herxil uchurlarni aldi bilen semimizge saldi.
Enwerjan ependi sözide, barin weqesining tarixi ehmiyiti toghrisidiki qarashlirini izahlidi we bu weqege bolghan qisqiche bahalirini sherhlep ötti.

Uyghur siyasiy zatliridin erkin aliptékin ependi mezkur weqening kéyinki zamanlarda Uyghur diyarida yüz bergen köpligen qarshiliqlarning meydan'gha kélishige türtke bolghan bir amil bolghanliqini eskertti.

Uyghur ziyaliysi perhat muhemmidi ependimu barin weqesining tarixiy ehmiyiti heqqide öz qarashlirini bayan qilip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet