Barin weqesining 26-yilliqi türkiyede her xil usulda xatirilenmekte

Ixtiyariy muxbirimiz erkin tarim
2016.04.05
Bingtuan-Xitayliri-we-Barin-Inqilapchiliri-tutqunda.jpg Sürette, barin inqilabchilirini tutush we qirghin qilishqa qatnashqan bingtuen xitay qoralliq "déhqan" liridin bir körünüsh.
File Photo

Barin weqesi yüz bérip aridin 26 yil ötti, bu munasiwet bilen türkiyediki sherqiy türkistan ammiwi teshkilatliri, türk ammiwi teshkilatliri bügün bayanat élan qilip, xatirilesh pa'aliyetliri ötküzüp, ijtima'iy taratqular arqiliq bu heqte melumat tarqitish arqiliq bu künni xatirilimekte.

Bügün türkiyede aktip pa'aliyet élip bériwatqan sherqiy türkistan medeniyet we hemkarliq teshkilati bayanat élan qilip, xitay hökümitining bundin 26 yil burun, aqtu nahiyesining barin yézisida milliy bölgünchilikke qarshi turush nami astida bigunah Uyghurlarni öltürgenlikini, tutqun qilghanliqini, buni hergiz unutmaydighanliqini we unutturmaydighanliqini, bu künni Uyghur ammiwi teshkilatliri arisida xatirilepla qalmastin, bügün türk axbaratigha bayanat élan qilghanliqini bayan qildi.

Séyit tümtürk ependi barin weqesining 26-yilliqi munasiwiti bilen bügün yeni charshenbe küni aqsham malayshiya we tayland arqiliq türkiyege kelgen Uyghurlar bilen birlikte barin weqeside hayatidin ayrilghan shéhitlerge atap xatirilesh pa'aliyiti ötküzidighanliqini, ularning rohigha ataq qur'an tilawet qilidighanliqini bayan qildi.

Qimmetlik radi'o anglighuchilar, barin weqesi her yili türkiyening herqaysi sheherliride xatirilinip kelmekte, undaqta türkiyening eng chong sheherliridin biri bolghan istanbulda néme pa'aliyetler bolmaqchi? bu heqte köz qarishini élish üchün sherqiy türkistan ma'arip we hemkarliq jem'iyiti re'isi hidayetullah oghuzxan bu heqte melumat berdi. U, 4-ayning 8-küni istanbulda chong bir xatirilesh pa'aliyiti ötküzidighanliqini bayan qildi.

Hidayetullah oghuzxan ependi barin weqesini xatirileshning ehmiyitining zor ikenlikini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.