Gherb dunyasidiki Uyghurlar (8B)

Muxbirimiz qutlan
2016-09-15
Élxet
Pikir
Share
Print
Sherqiy türkistan dewasining harmas-talmas pidakar yétekchiliridin hüsen hesen ependining méyiti uzitilmaqta. 2014-Yili 31-öktebir, awstraliye.
Sherqiy türkistan dewasining harmas-talmas pidakar yétekchiliridin hüsen hesen ependining méyiti uzitilmaqta. 2014-Yili 31-öktebir, awstraliye.
RFA/Erkin Tarim

Birinchi qisim: muhajirettiki Uyghurlarda ölüm uzitish we axiretlik murasimlar

Tughum we nikah adetliri bilen bir waqitta yene ölüm we axiretlik murasimlarmu herqandaq bir ijtima'iy topluqning kündilik hayatidiki menggülük adetler hésablinidu.

Undaqta gherb dunyasida yashawatqan Uyghur jama'itining hayatida ölüm we axiretlik murasimlar qandaq dawam qiliwatidu? türkiye bilen yawropa elliride olturaqlashqan Uyghur jama'iti özlirining kündilik hayatidiki bu chong mesilini qandaq bir terep qilip keldi?

Bash shtabi istanbuldiki sherqiy türkistan ma'arip we hemkarliq jem'iyitining mes'ulliridin diniy ölima abdulhekimxan mexsum istanbuldiki Uyghurlarning ölüm we axiretlik ishliri heqqide chüshenche berdi.

U öz bayanlirida istanbuldiki Uyghur jama'itining ölüm we axiretlik ishlarni bir terep qilishta türkiye diyanet ministirliqi sistémilashturghan méyit uzitish qa'idilirige emel qilidighanliqini, istanbuldiki Uyghur jama'itining ölüm bolghanda özlükidin yighilip méyit namizi bilen ölüm petisige kélidighanliqini alahide tekitlidi.

Uyghurlar muhajir bolup yashighili emdila 20 yil bolghan gollandiyede aldinqi yili ötküzülgen bir depne murasimi bu yerdiki Uyghur jama'itige jama'etlishishning, milliy uyushqaqliqning neqeder muhimliqini hés qildurghanliqi melum.

Gollandiye sherqiy türkistan ma'arip jem'iyitining re'isi eysa sawut qarim bu heqte ziyaritimizni qobul qilip, ötken yili gollandiyede qaza qilghan bir Uyghur xanimning axiretlik ishlirining qandaq élip bérilghanliqi heqqide bayan berdi.

U gollandiyediki Uyghurlar hayatida yüz bergen tunji ölümning bu yerdiki jama'etni qandaq heriketke keltürgenlikini, bu elning her jaylirigha tériqtek chéchilip ketken Uyghurlarning özlükidin yighilip, merhumening méyitini milliy we diniy en'ene boyiche uzatqanliqini tilgha aldi.

Rabiye ilktürk xanim qeyseridiki 2-ewlad Uyghurlardin.

U qeyserdiki Uyghur jama'itining taki yéqinqi mezgillergiche ölüm we axiretlik ishlarni weten pedisi boyiche dawamlashturup kelgenlikini chongqur héssiyat bilen esleydu.

Bash shtabi qeyseridiki sherqiy türkistan medeniyet we hemkarliq jem'iyitide ayallar mudiri bolup xizmet qiliwatqan rabiye ilktürk xanim yéqinqi yillardin buyan ölüm we axiretlik ishlarning asta-asta addiylishiwatqanliqi we özgirip kétiwatqanliqidin epsusluq hés qilidu.

Yawropada eng baldur shekillen'gen myunxéndiki Uyghur jama'iti hazirgha qeder on'gha yéqin Uyghur qérindishining ölüm we axiretlik ishlirigha shahit bolghanliqini esleydu.

Dunya Uyghur qurultiyi diniy ishlar komitétining mudiri turghunjan alawiddin myunxéndiki Uyghur jama'itining ölüm uzitish murasimi heqqide toxtilip, Uyghur jama'itining bu jehette hem milliy hem diniy adetlerni dawamlashturup kelgenlikini tilgha alidu.
(Dawami bar)

Toluq bet