Xelq'araliq "Mexmut qeshqiri hékaye yézish musabiqisi" da ezeri yazghuchi birinchi boldi

Ixtiyariy muxbirimiz erkin tarim
2016-12-19
Élxet
Pikir
Share
Print
Türkiye medeniyet we sayahet ministiri nebi awji ependi xelq'araliq "Mexmut qeshqiri hékaye yézish musabiqisi" da iranning shimaliy ezerbeyjan rayonidin gafur imamzade xiyawining birinchi bolghanliqini jakarlawatqan körünüsh. 2016-Yili 15-dékabir, türkiye.
Türkiye medeniyet we sayahet ministiri nebi awji ependi xelq'araliq "Mexmut qeshqiri hékaye yézish musabiqisi" da iranning shimaliy ezerbeyjan rayonidin gafur imamzade xiyawining birinchi bolghanliqini jakarlawatqan körünüsh. 2016-Yili 15-dékabir, türkiye.
RFA/Erkin Tarim

Türkiye medeniyet we sayahet ministiri nebi awji ependi 12-ayning 15-küni türkiyening konya shehiride mexsus muxbirlargha bayanat bérip, 4-nöwetlik xelq'araliq "Mexmut qeshqiri hékaye yézish musabiqisi" da iranning shimaliy ezerbeyjan rayonidin gafur imamzade xiyawining "Qizilim" namliq hékayisining birinchi bolup bahalan'ghanliqini jakarlidi.

U, aldi bilen muxbirlargha musabiqe toghrisida melumat bérip mundaq dédi: "Men aldi bilen xelq'araliq mexmut qeshqiri hékaye yézish musabiqisining netijisini siler bilen ortaqlashmaqchimen. Hemminglargha melum bolghinidek xelq'ara mexmut qeshqiri hékaye yézish musabiqisi türkiye bash ministirliqi tarmiqidiki tonutush fondi we türkiye medeniyet we sayahet ministirliqining qollap quwwetlishi bilen yawro-asiya yazghuchilar jem'iyitining uyushturushi astida ötküzüldi. Mezkur musabiqe türk dunyasida ötküzüwatqan tunji edebiyat musabiqisidur. Musabiqe mexmut qeshqiri tughulghanliqining 1000-yilida bashlan'ghan bolup, bu yil 4-nöwetliki ötküzüldi. Bu musabiqige xelq'araliq türk medeniyetliri teshkilati, herqaysi türkiy jumhuriyetler we edebiyat uyushmiliri yardem qildi".

Türkiye medeniyet we sayahet ministiri nebi awji ependi 4-nöwetlik musabiqide netijige érishkenlerni jakarlap mundaq dédi: "4-Nöwetlik mexmut qeshqiri hékaye yézish musabiqisi bu yil 16 dölet we rayonda ötküzüldi. Bu döletler ezerbeyjan, qazaqistan, qirghizistan, türkiye, shimaliy siprus türk jumhuriyiti, bashqurtistan, chuwashistan, xakasiye, qarachay-balqar rayoni, tataristan, qirim, iran, iraq, makédoniye we gagawuziyedin ibaret. Bu döletlerdin kelgen hékaye eserliri türkchige terjime qilinip, bahalash komitéti teripidin bahalandi. Bahalash netijiside irandiki ezeri türkliridin gafur imamzade xiyawining 'qizilim' namliq hékayisi birinchilikke, türkiyedin memet akif duman ependining 'turbidar' namliq hékayisi ikkinchilikke, qazaqistanliq berik shaxanowning 'ögey ömür' namliq hékayisi üchinchilikke érishti".

Türkiye medeniyet we sayahet ministiri nebi awji ependi 4-nöwetlik xelq'araliq mexmut qeshqiri hékaye musabiqiside netijige érishkenlerni élan qilish yighinida mukapatning 12-ayning 21-küni qazaqistan yazghuchilar jem'iyitide ötküzülgen murasimda tarqitilidighanliqini bayan qildi.

Qimmetlik radi'o anglighuchilar xelq'araliq "Mexmut qeshqiri hékaye yézish musabiqisi"gha musteqil türkiy jumhuriyetler we aptonom rayonlardan bolup 16 dölet we rayondin kishiler hékaye ewetken bolsimu, emma mexmut qeshqiri yashap ötken Uyghur diyaridin kishiler ishtirak qilmighan. Buningdiki seweb néme? mezkur musabiqining Uyghurlarni tonutushta roli boluwatamdu? Uyghurlar néme qilishi kérek? dégen so'allargha jawab tépish üchün yawro-asiya yazghuchilar jem'iyitidin yaqup ömeroghlu, Uyghur akadémiyesi re'isi ablimit qaraxan ependi we Uyghur xewer we tetqiqat merkizi mes'uli hamit göktürk ependiler bilen söhbet élip barduq.

Xelq'araliq mexmut qeshqeri hékaye yézish musabiqisining tunji qétimliq musabiqiside türkiyedin asuman güzelje xanim "Köch" namliq hékayisi bilen birinchi bolghan. Ikkinchi qétimliq musabiqide ezerbeyjanliq ejder oq birinchi, üchinchi qétimliqida qazaqistandin rozi oraz birinchi bolghan idi.

Pikirler (0)
Share
Toluq bet