"Köz yéshida nemlen'gen zémin" namliq kitab londonda tonushturuldi

Ixtiyariy muxbirimiz erkin tarim
2016-11-29
Élxet
Pikir
Share
Print
"Köz yéshida nemlen'gen zémin" namliq eserni in'gliz tiligha terjime qilghan rehime mexmut xanim kitab heqqide tonushturush bermekte. 2016-Yili 27-noyabir, london.
"Köz yéshida nemlen'gen zémin" namliq eserni in'gliz tiligha terjime qilghan rehime mexmut xanim kitab heqqide tonushturush bermekte. 2016-Yili 27-noyabir, london.
RFA/Erkin Tarim

11-Ayning 27-küni türkiyening londonda pa'aliyet élip bériwatqan yunus emre institutida awstraliyede turushluq söyün'gül janishéf xanim yazghan "Köz yéshida nemlen'gen zémin" namliq kitabni tonushturush pa'aliyiti ötküzüldi. Mezkur pa'aliyetni kitabning in'glizche nusxisini neshr qilmaqchi boluwatqan herdfirtshire neshriyati bilen yipek yoli neshriyati uyushturghan.

Yighinda, "Köz yéshida nemlen'gen zémin" namliq eserni in'gliz tiligha terjime qilghan rexime mexmut xanim kitab heqqide tonushturush berdi.

Uning éytishiche, kitab tonushturush yighinigha kitabni ortaq neshr qilmaqchi bolghan ikki chong neshriyatning mes'ulliri we tehrirliri, yunus emre instituti mes'ulliri we kitab söyerlerdin bolup köp sanda kishi ishtirak qilghan.

"Köz yéshida nemlen'gen zémin" namliq kitabning in'glizche nusxisini tonushturush yighini, londonda ötküzülüwatqan ottura asiyani tonushturush kitab féstiwalining kün tertipidin orun alghan bolup, ötken yildiki pa'aliyette meshhur qirghiz yazghuchisi chinggiz aytmatof we uning eserliri tonutulghan idi.

Biz "Köz yéshida nemlen'gen zémin" namliq kitab toghrisida melumat igilesh üchün eserning aptori söyün'gül janishéf xanim we kitabni in'glizchigha terjime qilghan rexime mexmut xanimlar bilen téléfon söhbiti élip barduq.

Rexime mexmut xanim 475 betlik "Köz yéshida nemlen'gen zémin" namliq kitabning kéler yili 3-ayda en'gliyediki kitabxanilarda sétilishqa bashlaydighanliqini ilgiri sürdi. U, londonda tunji qétim bundaq bir pa'aliyetning ötküzülüwatqanliqini, aldimizdiki yillarda Uyghurlarning dangliq sha'iri we yazghuchisi abduréhim ötkür heqqide bundaq bir pa'aliyetke ishtirak qilishni arzu qilidighanliqini tekitlidi.

Kitabning aptori söyün'gül janishéf xanim kitabining hazirghiche Uyghur, türk, rus we tatar tillirida neshr qilin'ghanliqini, eserning dunya tili bolghan in'gliz tilida neshr qilinishining özini intayin xushal qilghanliqini tekitlidi.

Toluq bet