Bishkektiki "Intizar" ansambili Uyghur milletperwerlikni kücheytish sen'et pa'aliyiti ötküzdi

Ixtiyariy muxbirimiz féruze
2019-01-09
Élxet
Pikir
Share
Print
Qirghizistan Uyghurliri "Ittipaq" jem'iyitining uyushturushi "Intizar" ansambilining xeyri-saxawet ishlirigha béghishlighan sen'et kéchilikide "Intizar" ansambilining gödekliri. 2019-Yili 6-yanwar, bishkek.
Qirghizistan Uyghurliri "Ittipaq" jem'iyitining uyushturushi "Intizar" ansambilining xeyri-saxawet ishlirigha béghishlighan sen'et kéchilikide "Intizar" ansambilining gödekliri. 2019-Yili 6-yanwar, bishkek.
RFA/Féruze

6-Yanwar küni bishkek shehiride qirghizistan Uyghurliri "Ittipaq" jem'iyitining uyushturushi bilen "Awat" réstoranida "Intizar" ansambilining xeyri-saxawet ishlirigha béghishlighan sen'et pa'aliyiti ötküzüldi. Murasimgha qirghizistanda tonulghan Uyghur sen'etkarliri, qirghizistan xelqliri birleshmisi terkibidiki az sanliq milletler wekilliri, qazaqistandiki Uyghur nahiyesidin méhman qatari kelgen wekiller, gézit muxbirliri we köp sanda jama'etchilik wekilliri qatnashti.

Qirghizistandiki "Intizar" ansambili Uyghur milliy muzika we Uyghur milliy ussuli guruppisidin teshkil qilin'ghan bolup, mezkur ansambil jama'etke öz maharetlirini namayan qildi.

Mezkur pa'aliyetke yene qirghizistanda tonulghan ussulchi, naxshichi we sazendiler qatnashqan bolup, qirghizistan xelq artisi sultan kerimof, ataqliq naxshichilar shöhret yaqubof, alimjan roziyéf, nurtay abduréhim, roshen'gül möminowa, shemshinur bakirowa qatarliqlarning éytqan naxshiliri, shundaqla xelq söygen "Yultuz" Uyghur milliy ussul ansambilining ussulliri tamashibinlarning qizghin alqishlirigha érishti.

Qirghizistan Uyghurliri "Ittipaq" jem'iyitining re'isi artuq hajiyéf öz nutqida Uyghur xelqining éghir weziyitini tilgha élip, bügünki bu pa'aliyetning Uyghur xelqining we medeniyitining mewjutluqi hem özgichilikini körsitidighanliqini tekitlidi.

Konsért dawamida ili xelq naxshiliri shuningdek weten toghrisida nurghun naxshilar éytildi hem milliy ussullar orundaldi. Ziyaritimizni qobul qilghan qirghizistan xelq artisi sultan kerimof bügünki pa'aliyetning Uyghur sen'etkarlirining naxsha arqiliq öz wetinini séghinish héssiyatlirini ipadilesh bilen birge Uyghur xelqining insaniy hoquqliri we milliy kimlikini qoghdash yolida pa'aliyet qiliwatqanlargha ilham bérish hem milletperwerlikni kücheytish

Ehmiyitige ige ikenlikini bildürdi.

Radi'o ziyaritimizni qobul qilghan qirghizistan Uyghurliri "Ittipaq" jem'iyitining re'isi artuq hajiyéf bu pa'aliyet qirghizistandiki Uyghurlarning milliy rohini kötürüsh üchün uyushturulghanliqini tekitlep ötti.

Mezkur murasim ikki sa'ettin oshuq dawam qilghan bolup, tamashibinlar yuqiri keypiyatta bolushti. Murasimgha qatnashqan sen'etkar shemshinur bakirowa öz hés-tuyghulirini izhar qildi.

Qirghizistan Uyghurliri "Ittipaq" jem'iyiti bu xil pa'aliyetlerni ötküzüsh arqiliq qirghizistandiki Uyghur milliy medeniyitini saqlap qélishigha tiriship kelmekte. Mezkur jem'iyet yene milliy tarix we kimlikini untumasliqi üchün her-xil yighin we bashqa xil pa'aliyetlernimu ötküzmekte.

Bu qétimqi xeyri-saxawet konsértidin toplan'ghan meblegh "Intizar" ansambilining yéngidin bir yürüsh Uyghur milliy kiyimliri we yéngi chalghu eswablirini élishi üchün serp qilinidiken. Uyghur jama'iti bu pa'aliyetni yuqiri qizghinliq bilen qollashti.

Toluq bet