Moskwada Uyghur ressamlirining resim körgezmisi échildi

Muxbirimiz erkin tarim
2016-10-28
Share
moskiva-uyghur-ressam-sabiqjan-kamalowich-babajanow.jpg Moskwadiki Uyghur ressamlarning resim körgezmisi
RFA/Erkin Tarim

Rusiye fédratsiyesining paytexti moskwada Uyghur ressamlirining resim körgezmisi échildi. 10 - Ayning 24 - küni échilishi ötküzülgen resim körgezmisi xelq'araliq Uyghur tetqiqati ilmiy muhakime yighini 26 - chisla küni axirlashqiche dawamlashti. Yighin jeryanida qirghizistanda tonulghan Uyghur ressam sabiqjan kamalowich babajanof ependi bilen qazaqistanliq tonulghan Uyghur ressam mawidina güzel abbas qizi xanim qatarliqlar resim körgezmisi achti. Körgezmige 60 etrapida may boyaq resim qoyulghan bolup, qazaqistanliq Uyghur ressam mawidina güzel abbas qizi xanim asasen Uyghur ayallirini téma qilghan resimlerni, qirghizistanda tonulghan ressam sabiqjan kamalowich babajanof bolsa asasen tarixta ötken Uyghur shexislerni téma qilghan resimlerni körgezmige qoyghan.

Bu pa'aliyetni moskwa ilimler akadémiyesi bilen moskwa Uyghur medeniyet uyushmisi birlikte ötküzgen. Uyushma re'isi repqet tursun'oghli sadiqof resim körgezmisi toghrisida melumat berdi.

Mawidina güzel abbas qizi xanim moskwadiki bu körgezmide körsitiliwatqan resimlerde Uyghur ayallirining turmushining eks ettürülgenlikini bayan qildi hemde özining terjimali toghrisida melumat berdi.

Ressam sabiqjan kamalowich babajanof moskwadiki körgezmide Uyghurlarning tarixta ötken qehrimanliri we meshhur shexislirini sizghan resimlirini körsitiwatqanliqini bayan qildi. Ressam sabiqjan kamalowich babajanof özining ijadiyet hayati toghrisida melumat berdi.

Moskwa Uyghur medeniyet uyushmisi re'isi repqet tursun'oghli sadiqof ependi moskwada 500 etrapida Uyghur barliqini, aldimizdiki yillarda téximu köp medeniyet pa'aliyetliri ötküzidighanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet