Almatada “Uyghur on ikki muqami we Uyghur xelq naxshiliri” kitabini tonushturush murasimi ötküzüldi

15-Noyabirda almatada quddus ghojamyarof namidiki jumhuriyetlik dölet Uyghur muzikiliq komédiye tiyatirida “Uyghur on ikki muqami we Uyghur xelq naxshiliri” kitabini tonushturush murasimi ötti.

Mezkur kitab Uyghur diyarida yoruq körgen on üch tomluq “Uyghur on ikki muqami” we alte tomluq “Uyghur xelq naxshiliri” namliq kitablar asasida teyyarlan'ghan bolup, almatadiki “Mir” neshriyat öyi teripidin kiril yéziqida neshr qilindi. Murasim almata sheherlik Uyghur yigit bashliri birleshmisi yénidiki “Almata meshripi” ning uyushturushi hem Uyghur tiyatirining qollap-quwwetlishi bilen ötküzüldi.

Péshqedem zhurnalist yadikar sabitof on ikki muqam tarixi heqqide doklat bergendin kéyin, sözge chiqqan jumhuriyetlik Uyghur étno-medeniyet merkizining re'isi shahimerdan nurumof, mezkur kitabni teyyarlighuchi, péshqedem sen'etkar sadiqjan yunusof, “Hörmet ” ordénining sahibi azad burhanof, pédagogika penlirining doktori munewwer yunusowalar kitabning neshr qilinishining qazaqistan Uyghurliri hayatidiki chong bir yéngiliq ikenlikini, bügünki künde Uyghur muqamchiliqini yenimu tetqiq qilishqa alahide köngül bölüshning zörürlükini alahide tekitlidi. Andin kitabni neshr qilishqa hamiyliq qilghan “Almata meshripi” ning bégi burhan tajidinof, s. Yunusofqa soghilar tapshurdi.

Murasim dawamida Uyghur tiyatiri kolléktipi, shundaqla “Diyar ” sen'et guruppisining konsért programmisi körsitildi.

Radi'omiz ziyaritini qobul qilghan qazaqistan yéza igiliki doktori, akadémik muhemmetjan abdullayéf murasim heqqide öz qarashlirini otturigha qoydi.