Xelq sen'etkari musajan rozining téléfoni qayta échildi

Sabiq sherqiy türkistan jumhuriyitining jengchisi, xelq sen'etkari, ustaz sazende musajan rozi özining amérikidin kelgen téléfon ziyaritini qobul qilghanliqi sewebidin xitay saqchi da'irilirining öyige kélip tekshürgenlikini bildürdi.

Bu yil toqsan yashtin halqighan ataghliq sazende musajan rozining éytishiche, xitay saqchi da'iriliri uninggha erkin asiya radi'osining özi heqqide mexsus 13 qétim ziyaret programmisi anglatqanliqini bildürgen. Aptonom rayonluq jama'et xewpsizlik nazaritining buyruqigha asasen ili oblastliq jama'et xewpsizlik idarisining alahide xadimliri uningdin üch wilayet inqilabi heqqide bezibir so'allarni sorighan, shundaqla penjim yéziliq saqchixana xadimliri nopus tekshürüsh bahanisi bilen uning öyini tekshürgen.

Aptonom rayonluq jama'et xewpsizlik nazariti musajan rozigha buningdin kéyin chet'eldin kelgen her qandaq téléfonlarni qet'iy qobul qilmasliq heqqide buyruq chüshürgen.

Yuqiriqi awaz ulinishidin tepsilatini anglang.