Osh wilayitidiki Uyghur hemrajan urunbayéf: biz tilimizni, örp-adetlirimizni untumasliq üchün heriket qilimiz

Melumki, Uyghurlar öz waqtida siyasiy weziyet tüpeyli, ottura asiyadiki her qaysi jaylargha köchüp chiqip, köpligen yézilarni berpa qilghan idi. Hazir ular asasiy jehettin qazaqistan, qirghizistan, türkmenistan we özbékistanda olturaqlashqan bolup, bügünki künde shu memliketlerning siyasiy, iqtisadiy, medeniy hayatida muhim rol oynimaqta. Emma Uyghurlarning öz milliy kimlikini saqlap qélish mesilisige kelgende, bu memliketlerdiki shara'itning bir-birige oxshimaydighanliqi éniq.

Birinchi nöwette, bu mesile milliy ma'arip bilen chemberchas baghlan'ghan bolup, kéyinki waqitlarda bu heqte pat-patla eskertilidighan boldi. Mesilen, resmiy melumatlar boyiche 50 ming etrapida Uyghurlar yashawatqan qirghizistanda ene shu mesile köpchilikni oylandurmaqta. Hazir Uyghurlar memliketning chu we perghane wadilirida, issiq köl boylirida, jalal'abad, özgen, osh, qarabalta, toqmaq, narin, bishkek sheherliri hem oblastlirida we bashqa köpligen sheher we yézilarda orunlashqan.

Uyghurlar bu yerlerge asasiy jehettin qeshqer we uning etrapidin chiqqan bolup, bolupmu sowét dewride yüz bergen siyasiy teqibleshler netijiside ularning köpchiliki özbék we qirghiz bolup yézilishqa mejbur bolghan. Hazir bu ehwalning kélip chiqish seweblirini öginish tetqiqatchilarning wezipisi ikenliki otturigha qoyulmaqta.

Biz yéqinda mana shu osh wilayitidiki qeshqer-qishlaq yézisining turghuni hemrajan urunbayéf bilen bu heqte söhbet élip barduq.

Tepsilatini yuqiridiki awaz ulinishidin anglighaysiler.