Qazaqistandiki "Xushalliq" milliy ansambili bu yili 40 yilliqini qarshi almaqta

Ixtiyariy muxbirimiz oyghan
2016-07-18
Élxet
Pikir
Share
Print
"Xushalliq" milliy ansambilining deslepki konsértidin körünüsh. 1974-Yili, almata wilayiti.
"Xushalliq" milliy ansambilining deslepki konsértidin körünüsh. 1974-Yili, almata wilayiti.
RFA/Oyghan

Melumki, ötken esirning bolupmu 70-yilliridin bashlap Uyghurlar zich olturaqlashqan almata shehiri we uning etrapi, shundaqla shu dewrdiki taldiqorghan wilayitining panfilof, almata wilayitining Uyghur, chélek, emgekchiqazaq we talghir nahiyilirige qarashliq yézilarda Uyghur milliy ansambilliri teshkillen'gen idi. Ularning birinchi topini Uyghur milliy saz eswabliridin tüzülgen ansabillar igiligen bolsa, ikkinchi topini zamaniwi yawropa istilidiki eswablar ansambilliri teshkil qildi.

70-Yilliri meydan'gha kelgen Uyghur ansambilliri ichide bolupmu hazirqi almata wilayitining emgekchiqazaq nahiyisige qarashliq bayséyit yézisida teshkillen'gen "Xushalliq" ansambili ene shundaq zamaniwi yawropa istilidiki sen'et guruppiliridin bolup, bu yili u özining 40 yilliqini qarshi almaqta.

"Xushalliq" ansambili qurulghandin buyan 40 yil mabeynide qandaq özgirishlerge duch keldi? sowét tüzümi dewride qandaq tesirlerge uchridi? uni kimler bashqurdi hem uning terkibide kimler boldi? ansambilning bügünki teqdiri qandaq, u orunlawatqan programmilarning mezmuni némidin ibaret?

Shu munasiwet bilen biz bu ansabilni deslep teshkil qilghan uning sabiq ezasi, sen'et doktori we ataqliq ressam hakimjan guliyéf we ansambilning bügünki rehbiri hashimjan nasiroflarni söhbetke teklip qilduq.

Toluq bet