"Zulumgha zawal" shé'ir toplimi neshrdin chiqti

Ixtiyariy muxbirimiz féruze
2018-02-19
Share
zulumgha-zawal-sheir-toplimi.jpg "Zulumgha zawal" namliq shé'ir toplimining muqawisi.
RFA/Féruze

Bishkek shehirining "Ayat" basmixanisidin wetenperwer sha'ir ezimjan nizamiyning "Zulumgha zawal" namliq shé'irlar toplimi neshrdin chiqti.

Kitabqa sha'irning wetenperwerlik idiyesi bilen yézilghan shé'irliri we "Zulumgha zawal" namliq dastani kirgüzülgen. Sha'ir öz shé'irlirida Uyghur xelqining béshigha chüshken we chüshüwatqan éghir külpetler we paji'elik künler üstide tepsiliy toxtilip, Uyghur xelqini ittipaqliqqa, ana-wetenni söyüshke chaqirghan.

Mezkur kitab kiril we kona Uyghur yéziqlirida bésilip chiqti. Kitabni neshrge teyyarlighan pelsepe penlerning namzati ekberjan bawudun ikki yéziqning qollinishi toghrisida toxtilip, öz qarashlirini bayan qildi.

Ezimjan nizamiyning eserliri muhebbet témisigha yézilghan bolsimu, emeliyette özining ana wetinige bolghan cheksiz muhebbiti idi.

"Zulumgha zawal" - chong hejimlik dastan. Bu dastanida sha'ir 200 yildin béri qulluq asaritide azab chékiwatqan Uyghur xelqining paji'elik hayatini teswirlesh bilen bu qulluqtin qutulushining birdin-bir yoli azadliq küresh ikenlikini körsitidu.

Köp shé'irliri öz wetinidin ayrilip, judaliqta ötken yilliri, wetinini séghinish hés-tuyghuliri bilen yézilghan. Uning "Uyghuristanim-élim", "Weten", "Qéni", "Méning xelqim" we bashqa shé'irlirida kéche-kündüz weten ghémide yürgenliki roshen körünidu.

Ezimjan nizamiy musapirliq hayatining achchiq derdini köp tartqan, shunglashqa u weten yolida her qandaq ishqa teyyar ikenlikini öz shé'irlirida ochuq izhar qilidu. Sha'irning mutleq köp shé'irliri weten témisigha béghishlan'ghan bolup, weten ishqi sha'irgha tügimes ilham béridighanliqi we weten heqqide uning naxshisi tügimeydighanliqini "Weten" namliq shé'irida izhar qilidu.

Isyankar sha'ir hayat waqtida öz xelqige keng tonulmighan idi. Kitab muherriri mehemmet yasin sowét ittipaqi dewride köp shé'irlar sénzurdin ötmey neshrdin chiqalmighanliqini körsitip, bu heqtiki seweblerni bayan qildi.

Ezimjan nizamiyning yézip qaldurghan qolyazmiliri asasida "Zulumgha zawal" namliq bu shé'irlar toplimi birinchi qétim yoruq kördi. Kitab qazaqistan we yawropa döletliridiki Uyghur jama'etchilikige tarqitilmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet