Shiwétsiye Uyghur komitétining 10 yilliqigha béghishlap medeniyet küni we muhakime yighini ötküzülmekchi

Ixtiyariy muxbirimiz yalqun
2013.06.11
Kuresh-kosen-rfada-305 Talantliq muzikant merhum küresh kösen ependining radomizni 2006 - yili 4 - yanwarda ziyaret qilghanda muzika orundap qaldurghan xatire süriti.
RFA Photo

Shiwétsiye Uyghur komitéti küresh küsenning teshebbusi we yéteklishi bilen 2003-yili 6-ayning 22-küni stokholumda qurulghan siyasiy teshkilat bolup, shundin béri shiwétsiyede pa'aliyet qilip kéliwatmaqta.

Shiwétsiye Uyghur komitéti idare hey'itining qarari we shiwétsiyede yashawatqan jama'et chonglirining teshebbusi bilen shiwétsiye Uyghur komitéti qurulghanliqining 10 yilliqini sen'et pa'aliyiti we muhakime yighini uyushturup tebriklesh üchün jiddiy teyyarliq qilmaqta.

Qutluqlash pa'aliyiti 6-ayning 15 we 16-künliri ötküzülidighan bolup, qutluqlash pa'aliyitige amérika, gérmaniye, türkiye, bélgiye, gollandiye, norwégiye we qazaqistan qatarliq döletlerdin méhmanlar teklip qilin'ghan.

Qutluqlash pa'aliyitining sen'et nomurlirini qazaqistanda közge körün'gen “ Diyar” ansambili üstige alghan.

Muhakime yighini qutluqlash pa'aliyitining ikkinchi künige orunlashturulghan bolup, buninggha dunya Uyghur qurultiyining re'isi rabiye qadir xanim, mu'awin re'is séyit tümtürk, esqerjan, ijra'iye komitétining re'isi dolqun eysa, bash teptish nurmuhemmet rozi'axun, qazaqistandiki közge körün'gen siyasiy pa'aliyetchi qehriman ghojamberdi we bashqa herqaysi döletlerdin kelgen méhmanlar qatnishidu.

Xatirilesh pa'aliyitining meqsiti we mezmuni heqqide téximu köp melumatqa ige bolush üchün shiwétsiye Uyghur komitétining re'isi abdushükür samsaqni ziyaret qilduq.

Abdushükür samsaqning bildürüshiche xatirilesh pa'aliyitining yene bir muhim mezmunlirining biri shiwétsiye Uyghur komitétining qurulushi we tereqqiy qilishida aktip xizmetlerde bolghan küresh küsen, exmet iskender we senewber qatarliq merhumlarni eslesh we ularning rohigha atap xetme qur'an qilish iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.