Stalinning shéng shiseyni agahlandurup, bash konsul apréséwqa yazghan xéti

1933-Yili, 12-aprél özgirishide hakimiyetni igiligen shéng shisey, 1934-yili, 2-aygha kelgende sowét ittipaqi hökümiti we sowét qizil armiyisining yardimi bilen jang péyyü'en we ma jongying qoshunlirini yoqitip, ürümchini qoghdap qaldi hem öz hakimiyitini mustehkemliwaldi.

Sowét ittipaqi hökümiti shéng shiseyge herbiy, iqtisadiy jehetlerdin yardem bergen bolup, u sowét ittipaqining yardimisiz mewjut bolup turalmaytti. Stalin hökümiti we stalin rehberlikidiki rusiye bolshéwiklar partiyisi merkiziy komitéti siyasiti byurosi néme üchün Uyghurlarning milliy azadliq inqilabini qollimastin shéng shiseyni qollap uninggha yardem berdi?

Hetta néme üchün stalin hökümiti shéng shiseyning shinjang ölkisini sowétleshtürüsh telipinimu ret qilip, uni nenjing hökümitige boysunushni telep qildi? buningdiki sir siyasiy byuro qarar élip, yaponiye qatarliq döletlerdin mudapi'e körüsh, xitay bilen ittipaq tüzüp, yaponiyening hujumidin ortaq saqlinish idi. Buningdiki eng chong amil yaponiye amili, shuningdek yene en'gliye amili idi.

Bu heqte stalin qatarliq ürümchidiki sowét bash konsuli apréséweqa tapshuruq bergen bolup, u xéti shéng shiseyni agahlandurup, eger ularning sözini anglimisa, barliq yardemlerni toxtitiwétidighanliqi bilen tehdit salghan.

Tepsilatini yuqiridiki awaz ulinishidin anglighaysiz.