تاتار ئالىمىنىڭ ئۇيغۇر ئېلىدىكى تارىخىي ۋەقەلەر ھەققىدىكى بايانلىرى (2)

تاتار ئالىمى، تارىخ پەنلىرىنىڭ نامزاتى مۇنىر يېرزىن مۇخبىرىمىزنىڭ زىيارىتىنى قوبۇل قىلىپ، 30 - ۋە 40 - يىللاردا ئۇيغۇر ئېلىدە بارلىققا كەلگەن تارىخىي ۋەقەلەر شۇنىڭدەك بۇ رايوندا قۇرۇلغان ئىككى جۇمھۇرىيەتنىڭ تەقدىرى توغرىسىدا مۇلاھىزە يۈرگۈزۈپ، بۇ ۋەقەلەرنىڭ پەقەت ئۇيغۇر مىللىي تارىخىدىلا ئەمەس، بەلكى پۈتۈنلەي مەركىزىي ئاسىيا تارىخىدىمۇ چوڭقۇر ئىز قالدۇرغانلىقىنى بايان قىلدى.
ئۇ سۆھبەت داۋامىدا، خەلقنىڭ ئادالەتسىزلىككە قارشى كۈرەشلىرىنىڭ مەغلۇبىيىتىدىكى ئىچكى ۋە تاشقى سەۋەبلەر ھەققىدە توختىلىپ، سوۋېت ئىتتىپاقىنىڭ شىڭ شىسەينى ھەربىي، مەمۇرى ۋە مالىيە جەھەتتىن قوللاپ يەرلىك خەلقلەرنىڭ تونۇلغان زىيالىيلىرىنى، بايلىرىنى باستۇرۇشىغا ياردەملەشكەنلىكىنى، شىڭ كوممۇنىزمدىن يۈز ئۆرۈگەندىن كېيىن، خەلق ئىنقىلابىغا يېتەكچىلىك قىلىش مەيدانىغا ئۆتىۋېلىپ، ئاخىرىدا خەلق ھاكىمىيىتىنى خىتاي كوممۇنىستلىرىغا ئۆتكۈزۈپ بەرگەنلىكىنى بايان قىلدى. 
يۇقىرىدىكى ئاۋاز ئۇلىنىشىدىن، مۇخبىرىمىزنىڭ تارىخچى مۇنىر يېرزىن بىلەن بۇ ھەقتە ئۆتكۈزگەن سۆھبىتىنىڭ داۋامىنى ئاڭلايسىلەر.