Türk dunyasi sha'ir-yazghuchilar uchrishish yighinida Uyghurlargha alaqidar shé'ir oquldi

Türk dunyasi edebiyat yighinigha qatnashquchilar xatire sürette. 2013-Yili noyabir, türkiye.

2013-Yili 11-ayning 16-17-künliri türkiyening antaliye shehiride, antaliye edebiyat -sen'et we medeniyet jem'iyitining uyushturushi bilen, türk dunyasining sha'ir-yazghuchilar uchrishish yighini ötküzüldi.

Bu yighin'gha Uyghurlargha wakaliten istanbulda yashawatqan sha'ire nur'ela köktürk xanim qatnashti we ay -yultuzluq kök bayraqni yighin zaligha ésish bilen birge Uyghurlargha alaqidar shé'ir oqudi.

Yighin'gha erezbeyjan, qibris, iraq, türkmenistan, özbékistan, bosniye hérsik, firansiye, bulghariye, gherbiy tirakiye qatarliq 10 dölet we rayondin 200 din artuq sha'ir we yazghuchi teklip bilen qatnashti.

Yighinning échilish murasimida söz qilghan antaliye edebiyat -sen'et we medeniyet jem'iyitining re'isi sawash unal ependi, dunyadiki türk tilida sözlishidighan xelqlerning tillirini bir yerge jem qilish we türk tillirini qoghdash shundaqla kéyinki ewladlargha yetküzüsh meqsette bu yighinning uyushturulghanliqi bildürdi.

1-Nöwetlik antaliye türk dunyasi edebiyat uchrishish yighinida türk dunyasining oxshimighan jayliridin kelgen 200 din artuq sha'ir we yazghuchi öz-ara bir-biri bilen tonushti. Bu yighin'gha ezerbeyjandin 85 neper yazghuchi we sha'ir qatnashqanliqi kishilerning diqqitini tartti.

Yighinda Uyghur sha'ire nur'ela köktürk xanim ékranda Uyghurlarning zulumigha uchrawatqan resim körünüshlirini körsitip turup, “Kimsen, némesen? nedesen?” we “Musteqilliq arzusi” dégen témidiki shé'irlarni oqudi we qizghin alqishqa érishti.

Biz bu yighin toghrisida pikir-qarashlirini élish üchün yighin'gha qatnashqan Uyghur sha'ire nur'ela köktürk xanim bilen söhbet élip barduq, nur'ela köktürk xanim, bu yighinda shé'ir oqush emes belki ay -yultuzluq sherqiy türkistanning kök bayriqini lepilditish we Uyghurlarni tonushturush üchün qatnashqanliqini bildürdi.