Dunya Uyghur ayallar birliki bélgiyediki Uyghur ayallirigha ehmiyetlik “Chay” tartti
2016.05.18
Uyghurlarning ijtima'iy hayatida “Chay” pa'aliyetliri her xil shekillerde ötküzülmekte. Emma 15-may küni bélgiyening wérwiye shehiride dunya Uyghur ayallar birliki we bu sheherde olturaqlashqan Uyghur ayallirining sahibxaniliqida, bélgiyediki Uyghur ayallirining bashqiche ehmiyetlik “Chay” pa'aliyiti intayin xush keypiyatta bolup ötken.
Bu pa'aliyetke 200 kilométir yiraqtiki jaylardinmu Uyghur ayalliri ishtirak qilghan. Bu pa'aliyet heqqide ziyaritimizni qobul qilghan Uyghur ayallar birlikining re'isi risalet aripowa xanim bu pa'aliyette 80 din artuq Uyghur ayalning bir yerge jem bolup, Uyghurlarning örp-adetlirini saqlash, balilarni milliy medeniyet rohida terbiyilesh, rabiye qadir xanim bashchiliqidiki Uyghur dewasigha qandaq awaz qoshush qatarliq köp témilarda hemsöhbet bolghanliqini bildürdi.
Yuqiridiki awaz ulinishidin muxbirimizning dunya Uyghur ayalliri birliki re'isi risalet xanim bilen ötküzgen söhbitining tepsiliy mezmunini anglaysiler.