Muqamshunas turdi'axun aka we 12 muqamning léntigha élinishi heqqide

• Ixtiyariy muxbirimiz haji qutluq qadiri
  2015-04-14

8-Aprél küni xitay xelq torining Uyghurche tor béti seypidin eziz tughulghanliqining yüz yilliqi munasiwiti bilen “Seypidin eziz we 12 muqam” namliq maqale élan qilin'ghan bolup, maqalide 1950-yili seypidinning tirishishi we közitishi arqisida Uyghur xelqining bibaha sen'et göhiri bolghan 12 muqamni birdin-bir toluq éytalaydighan xelq sen'etkari qeshqerlik turdi'axunning bayqalghanliqi bayan qilghan.

Mezkur maqalide, seypidinning 12 muqamni qutuldurup qilish üchün shu chaghdiki xitay xelq jumhuriyitining rehberliridin biri bolghan ju énleyge doklat yazghanliqini we axirida ju énleyning köngül bölüshi we seypidinning orunlashturushi bilen hazirqi Uyghur 12 muqamning saqlinip qilin'ghanliqini ilgiri sürgen.

Hazir ilining penjim yézisida dem éliwatqan, sabiq sherqiy türkistan jumhuriyitining ofitséri, muzika ustazi musajan rozi bügün radi'oyimizning ziyaritini qobul qilip, eyni yillarda 12 muqamni toluq éytalaydighan muqamshunas turdi'axunni eng deslepte bayqighan kishining shu chaghdiki qeshqerge waliy bolghan sabiq sherqiy türkistan jumhuriyitining rehberliridin bir qasimjan qembiri ikenlikini bildürdi.

Nöwette diqqitinglar, ustaz sazende musajan rozi bilen bu heqte élip bérilghan téléfon söhbet programmisida bolghay.