“Türk dunyasi en'eniwi ussul tentenisi” de Uyghur ösmürler sama ussuli körsetti

Ixtiyariy muxbirimiz arslan
2018.05.10
Istanbul-uniwersiteti-uyghur-sama.jpg

Istanbul uniwérsitétida ötküzülgen “Türk dunyasi en'eniwi ussul tentenisi” pa'aliyitide Uyghur ösmürliri sama ussuli oynimaqta. 2018-Yili 9-may, türkiye. RFA/Arslan

Istanbul-uniwersiteti-uyghur-sama-1.jpg

Istanbul uniwérsitétida ötküzülgen “Türk dunyasi en'eniwi ussul tentenisi” pa'aliyitide Uyghur ösmürliri sama ussuli oynimaqta. 2018-Yili 9-may, türkiye. RFA/Arslan

Istanbul-uniwersiteti-uyghur-sama-2.jpg

Istanbul uniwérsitétida ötküzülgen “Türk dunyasi en'eniwi ussul tentenisi” pa'aliyitige kelgen Uyghur guruppisi. 2018-Yili 9-may, türkiye. RFA/Arslan

Istanbul-uniwersiteti-uyghur-sama-3.jpg

Istanbul uniwérsitéti tarix penliri proféssori mehmet saray ependi Uyghurlar toghriliq toxtaldi we köpchilikke özining sherqiy türkistan tarixi toghrisida neshr qildurghan ikki qisimliq kitabimni oqup chiqishni tewsiye qildi. 2018-Yili 9-may, türkiye. RFA/Arslan

Istanbul-uniwersiteti-uyghur-sama-4.jpg

Istanbul uniwérsitétida ötküzülgen “Türk dunyasi en'eniwi ussul tentenisi” pa'aliyitining teqdirname tarqitish murasimi. 2018-Yili 9-may, türkiye. RFA/Arslan

Istanbul uniwérsitéti türk kültür-medeniyet tetqiqati kulubining uyushturushi bilen ötküzülgen “Türk dunyasi en'eniwi ussul tentenisi” pa'aliyitide Uyghur ösmürliri sama ussuli oynidi.

9-May küni istanbul uniwérsitéti pen we bilim fakultétining yighin zalida ötküzülgen bu pa'aliyetke sherqiy türkistan ma'arip we hemkarliq jem'iyitining tertiplishi bilen 15 neper Uyghur ösmürdin terkib tapqan bir sen'et guruppisi qatnashti we Uyghur milliy kiyimliri bilen sehnige chiqip, sama ussuli orundidi.

Mezkur sen'et pa'aliyiti “Istiqlal marshi” bilen bashlandi. Tarix penliri proféssori mehmet saray ependi échilish nutqi sözlidi.

U türk dunyasidiki xelqlerni bir birlep tilgha élip, shu qatarda Uyghurlar toghriliqmu toxtilip ötti. U mundaq dédi: “Uyghur qérindashlirimiz nöwette eng qiyin bir weziyette turuwatidu. Uyghur qérindashlirimizni bilish we chüshinish üchün méning sherqiy türkistan tarixi toghrisida yézip neshr qildurghan ikki qisimliq kitabimni oqup chiqishinglarni tewsiye qilimen.”

Pa'aliyette, Uyghur, qazaq, qirghiz, chéchen, gagawuz, türk qatarliq milletlerning yash-ösmürliridin teshkillen'gen sen'et guruppiliri ayrim-ayrim sehnige chiqip, herqaysisi özlirining milliyche en'eniwi usullirini körsetti.

Nöwet Uyghurlargha kelgende riyasetchi qiz-oghul sehnide abduréhim ötkürning “Iz” namliq shé'irini déklamatsiye qildi we Uyghur ösmürler guruppisini sehnige teklip qildi. Milliyche kiyin'gen Uyghur ösmürler qizghin alqish bilen sehnige chiqti we Uyghur sama ussulini oynidi. Ösmürler lerzan heriket bilen sama ussuli oynawatqanda ularning ichidiki biri ay-yultuzluq kök bayraqni toxtimay lepildetti. Sama ussuli axirlashqanda zalda güldüras alqish sadaliri yangridi.

Proféssor mehmet saray ependi söz qilip, bu qétimliq körekte körsitilgen Uyghur, qazaq, qirghiz qatarliq türkiy tilida sözlishidighan xelqlerning en'eniwi milliy ussullirigha yuqiri baha berdi. Shuningdin kéyin yene chichen, bashqurt qatarliq milletlerning sen'et guruppilirimu özlirining en'eniwi milliy ussullirini körsetti.

Pa'aliyet axirida her qaysi xelqlerning wekilliri sehnige teklip qilinip, ulargha teqdirname teqdim qilindi. Uyghurlargha bérilgen teqdirname we sherep taxtisini sherqiy türkistan ma'arip we hemkarliq jem'iyitining wekili tapshurup aldi.

Biz bu yighin toghrisida téximu tepsiliy melumatqa ige bolush üchün pa'aliyetke qatnashqan Uyghur ösmürlirining yétekchisi elanur xanim bilen söhbet élip barduq. Elanur xanim mundaq dédi: “Bu pa'aliyette her qaysi milletler özlirining en'eniwi milliy ussullirini körsetti. Uyghur perzentlirimizmu sama ussuli oynap, Uyghurlarning en'eniwi ussul sen'itini yuqiri maharet bilen namayish qildi. Ballirimizning shox, tétik, we lerzan heriketliri tamashibinlarning alqishigha érishti. Balilirimizning özige xas milliy kiyimlirimu alahide diqqet tartti.”

Mezkur pa'aliyetke qatnashqan uniwérsitét oqughuchisi asiyemu ziyaritimizni qobul qilip, özining tesiratlirini bayan qilip ötti.
U mundaq dédi: “Istanbul uniwérsitétining kulubida Uyghur perzentlirimizning en'eniwi milliy ussul mahariti körsitishi we ay-yultuzluq kök bayriqimizning sehnide lepildishi türkiye uniwérsitétlirining medeniyet muhitida bösüsh xaraktérlik bir chong ish boldi.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.