Шиветсийәдики уйғуристан мәшрипи сахавәт ишлирида үлгә болмақта

Ихтиярий мухбиримиз еһсан
2015-09-30
Share
uyghuristan-meshripi-saxawet.jpg Шиветсийәдики уйғуристан мәшрипи түркийәдики тайланд вә малайшиядин кәлгән уйғурларға атиған қойлири. 2015-Йили 24-сентәбир, түркийә.
RFA/Éhsan

Шветсйәдә паалийәт қиливатқан "уйғуристан мәшрипи"дики яшлар сахавәт ишлирини давамлаштурмақта.

Игилишимизчә, "уйғуристан мәшрипи" дикиләр оттура асия дөләтлиридин көчмән болуп кәлгән уйғур яшлардин тәшкил тапқан икән. Улар нәччә йилдин буян изчил һалда һәр хил сахавәтлик паалийәтләрни давамлаштуруп кәлмәктә.

Бу йил рамзан мәзгилидә, бу мәшрәп яшлири әтрапидики уйғурларни сәпәрвәр қилип уларниң бәргән закат вә фитирә болуп 23 миң көрүн пулини тайланд вә түркийәдики еһтияҗлиқ қериндашларға йәткүзгән.

Бу қетимлиқ қурбан һейтта болса йәнә, қурбанлиқ қилишни нийәт қилған уйғурлардин йиғилған 21 миң көрүнни шиветсийәдики шәрқий түркистандин кәлгән уйғурларниң йиғқан 29 миң көрүн пули билән қошуп, түркийәдә бу пулға 27 данә қой елип қурбанлиқ қилған. Униң гөшлирини шу йәрдики тайланд вә малайшиядин кәлгән уйғурларға тәқсим қилип бәргән.

"уйғуристан мәшрипи"дики яшлар өткән йили хәйри-сахавәт ишлири үчүн 10миң доллар ианә қилған иди.

Уйғуристан мәшрипиниң йигит беши данияр зияритимизни қобул қилип, бу һәқтики соаллиримизни җавабландурди.

Шиветсийәдә яшаватқан минәвәр ханим "уйғуристан мәшрипи" дики сахавәтчи яшлар һәққидә тохтилип, уларниң қиливатқан паалийәтлиридин шиветсийәдики барлиқ уйғурларниң сөйүнгәнликини һәмдә қоллап қуввәтлигәнликини баян қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт