Хитайниң түркийәдә өткүзгән тунҗи қетимлиқ норуз паалийитигә түркийә муавин баш министири қатнашмиди

Ихтиярий мухбиримиз әркин тарим
2015-03-19
Share
erkin-ekrem-doklat-bermekte.jpg Түркийә истратегийәлик чүшәнчә институти мутәхәссиси доктор әркин әкрәм әпәнди сөздә. 2014-Йили январ, түркийә.
RFA/Erkin Tarim

Хитайниң әнқәрә баш әлчиликиниң уюштуруши билән 3-айниң 19-күни ахшам әнқәрә һилтон меһманханисида норуз паалийити өткүзүлди. Паалийәткә түркийәниң баш министир муавини тәклип қилинған болуп, у норуз паалийитигә қатнишидиғанлиқиға вәдә бәргән болсиму, әмма кәлмигән.

Түркийә-хитай мунасивәтлири мутәхәссиси доктор әркин әкрәм баш министир муавининиң қатнашмаслиқиниң ениқ сәвәбини хитайниң уйғурларға елип бериватқан бесим сияситигә көрситилгән наразилиқ дәп чүшинишкә болидиғанлиқини пәрәз қилиш мумкинликини ейтти. Әмма, у дипломатийә нуқтисидин бу паалийәткә қатнашмаслиқ сәвәбини башқичә чүшәндүрүш мумкинликини көрсәтти.

Шәрқий түркистан вәхпиниң сабиқ баш катипи хәмит гөктүркниң ейтишичә, баш министир муавини профессор нуман қуртулмуш әпәнди 5-июл үрүмчи вәқәси йүз бәргәндә 20 миң кишилик бир намайиш өткүзгәнликини, яш вақтидин тартип шәрқий түркистан дәвасиға көңүл бөлүп келиватқан киши икәнликини ейтти. Шуңа хитайниң уйғурларға елип бериватқан бесим сияситигә наразилиқ билдүрүп қатнашмиған болуши мумкинликини баян қилди.

Игилишимизчә, хитай әлчилики әнқәрәдә уюштурған норуз паалийитигә түркийә-хитай парламентлар ара достлуқ гурупписиниң мәсули, истанбулда паалийәт елип бериватқан уйғур тиҗарәтчиләр уюшмиси, бәзи қазақ тәшкилатиниң мәсуллири, бәзи түркләр вә түркийәдә оқуватқан уйғур һәм башқа милләт оқуғучилири шуниңдәк хитайлардин болуп тәхминән 350 әтрапида адәм қатнашқан.

Биз бу паалийәт һәққидә истратегийилик чүшәнчә институти түркийә-хитай мунасивәтлири мутәхәссиси доктор әркин әкрәм вә хамит гөктүрк әпәндиләр билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт