Xitayning türkiyede ötküzgen tunji qétimliq noruz pa'aliyitige türkiye mu'awin bash ministiri qatnashmidi

Ixtiyariy muxbirimiz erkin tarim
2015-03-19
Share
erkin-ekrem-doklat-bermekte.jpg Türkiye istratégiyelik chüshenche instituti mutexessisi doktor erkin ekrem ependi sözde. 2014-Yili yanwar, türkiye.
RFA/Erkin Tarim

Xitayning enqere bash elchilikining uyushturushi bilen 3-ayning 19-küni axsham enqere hilton méhmanxanisida noruz pa'aliyiti ötküzüldi. Pa'aliyetke türkiyening bash ministir mu'awini teklip qilin'ghan bolup, u noruz pa'aliyitige qatnishidighanliqigha wede bergen bolsimu, emma kelmigen.

Türkiye-xitay munasiwetliri mutexessisi doktor erkin ekrem bash ministir mu'awinining qatnashmasliqining éniq sewebini xitayning Uyghurlargha élip bériwatqan bésim siyasitige körsitilgen naraziliq dep chüshinishke bolidighanliqini perez qilish mumkinlikini éytti. Emma, u diplomatiye nuqtisidin bu pa'aliyetke qatnashmasliq sewebini bashqiche chüshendürüsh mumkinlikini körsetti.

Sherqiy türkistan wexpining sabiq bash katipi xemit göktürkning éytishiche, bash ministir mu'awini proféssor numan qurtulmush ependi 5-iyul ürümchi weqesi yüz bergende 20 ming kishilik bir namayish ötküzgenlikini, yash waqtidin tartip sherqiy türkistan dewasigha köngül bölüp kéliwatqan kishi ikenlikini éytti. Shunga xitayning Uyghurlargha élip bériwatqan bésim siyasitige naraziliq bildürüp qatnashmighan bolushi mumkinlikini bayan qildi.

Igilishimizche, xitay elchiliki enqerede uyushturghan noruz pa'aliyitige türkiye-xitay parlaméntlar ara dostluq guruppisining mes'uli, istanbulda pa'aliyet élip bériwatqan Uyghur tijaretchiler uyushmisi, bezi qazaq teshkilatining mes'ulliri, bezi türkler we türkiyede oquwatqan Uyghur hem bashqa millet oqughuchiliri shuningdek xitaylardin bolup texminen 350 etrapida adem qatnashqan.

Biz bu pa'aliyet heqqide istratégiyilik chüshenche instituti türkiye-xitay munasiwetliri mutexessisi doktor erkin ekrem we xamit göktürk ependiler bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet