“Istanbul sépilliri” shé'irlar toplimigha zeynure eysaning shé'iri kirgüzüldi

Istanbul shehiri tarixta üch chong medeniyetke sahibxanliq qilghan, yawropa bilen asiyani tutashturghan eng qedimiy sheher bolush süpiti bilen dunyadiki nurghun dangliq sha'irlarning diqqitini özige tartqan, sha'irlargha ilham menbesi bolghan idi. Ötken ay istanbulda “Istanbul sépilliri” Uyghurche qilip éytqanda “Istanbul sépilliri” namliq shé'irlar toplimi neshr qilindi.

Bu kitabqa dunyadiki 100 sha'irning istanbul toghrisida yazghan shé'irige orun bérilgen bolup, bularning ichide Uyghur sha'ire zeynure eysa xanimmu bar iken. Kitabta uning istanbulgha yéngi kelgen waqtida istanbulni chirayliq bir tozgha oxshitip yazghan shé'irige orun bérilgen.

Mezkur kitabqa grék, fransuz we ereb sha'irlirining istanbul heqqide yazghan shé'irliridin bashqa, türkiyining eng dangliq sha'irliridin memet akif ersoy, nazim hikmet, ashiq weysel we osman tashqay qatarliqlarning istanbul toghrisida yazghan shé'irlirighimu orun bérilgen.

“Istanbul sépilliri” namliq shé'irlar toplimi istanbul walisi awni mutluning maddi yardimi bilen bésip tarqitilghan bolup, 297 betlik bu kitabtiki shé'irlar déklamatsiye qilinip ishlen'gen k d pilastinkisimu kitabqa qoshup tarqitilmaqta. Sha'ire zeynure eysa xanim radi'omizgha qilghan sözide, türklerning eng dangliq sha'irlirining arisida özining shé'irlirighimu orun bérilgenlikidin özini intayin bextlik hés qiliwatqanliqini, pütün dunyagha tarqitiliwatqan bu kitabta öz terjimihaliningmu barliqini, buning Uyghurlarni dunya jama'etchilikige tonutush üchün intayin ehmiyetlik ikenlikini éytti.

Töwende uning bilen élip barghan söhbitimizni anglanglar.