“меһрибан ана” уйғур ана тил мәктипи америкадики уйғур пәрзәнтлириниң һаятида қандақ ролларни ойнимақта?

Вашингтондин мухбиримиз нуриман тәйярлиди
2024.02.26
ana-til-paaliyet-01 “меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
Сүрәййә аблимит

25-Феврал “дуня ана тил күни” ни хатириләш мунасивити билән американиң вирҗинийә иштати фәйрфакс шәһиригә җайлашқан “меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәт өткүзүлди.

“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
Сүрәййә аблимит

Паалийәт зали әтләс көңләк вә һәр хил уйғур доппилирини кийгән қиз-оғуллар билән лиқ толған иди. Бу паалийәтни көргили кәлгән уйғур җамаитиму учисиға әтләс вә канвай көңләклирини, бешиға доппилирини кийивелишқаниди. Қатнашқучиларниң арисида йәнә уйғурларниң мәдәнийитигә қизиқидиған йәрлик башқа милләт кишилириму бар иди.

“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
Сүрәййә аблимит

Паалийәт баштин-ахири наһайити қизғин кәйпиятта өтти. Ана тил мәктипиниң оқуғучилири уйғур тилида шеир декламатсийә қилди, нахша ейтти. Паалийәт җәрянида балиларниң “уйғурлар қандақ бир милләт?” дегән соалға айрим-айрим һалда “уйғурлар келишкән, чирайлиқ, әпучан, меһмандост бир милләт” дегәндәк җаваблири һәммәйләнни сөйүндүрди.

Мәзкур паалийәткә даир син көрүнүшлири иҗтимаий таратқуларда һәмбәһирләнгәндин кейин, нурғун баһалар йезилған. Дуняниң һәрқайси җайлирида яшаватқан уйғурлар иҗтимаий таратқуларда америкадики уйғур балилириниң уйғур тилида көрсәткән номурлиридин наһайити сөйүнгәнликини ипадилигән. Улар язмилирида уйғур тилини сақлап қилиш вә раваҗландурушта изчиллиқниң интайин муһимлиқини тәкитләшкән.

“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
Сүрәййә аблимит

 “меһрибан ана” уйғур ана тил мәктипи “елий вейсел (Elie Wiesel) инсаний ярдәм фонди” ниң бу йиллиқ ярдимигә еришкән органларниң бири. Уларниң уйғур тили, тарихи вә мәдәнийитини сақлаш һәм қоғдашта көрсәткән тиришчанлиқлири үчүн мәзкур фонд мәхсус ярдәм мәблиғи аҗратқан.

“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
“меһрибан ана” (Ana Care) уйғур ана тил мәктипидә “ана тилим-җан тилим” намлиқ паалийәттин көрүнүш. 2024-Йили 25-феврал, фәйрфакс
Сүрәййә аблимит

Биз бу мунасивәт билән “меһрибан ана” уйғур ана тил мәктипиниң мудири сүрәййә аблимит ханимни бүгүнки сөһбәт пирограммимизға тәклип қилдуқ. Сүрәййә ханим, ана тил мәктипиниң қурулуш җәряни, нөвәттики әһвали вә буниңдин кейинки пиланлирини биз билән ортақлашти.

Сөһбитимизниң тәпсилатини юқиридики аваз улинишидин аңлиғайсиз.  

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.