Yéngisar nahiyesining hakimi méhrigül ömer "Intizamgha xilapliq qilish" bilen eyiblinip tekshürülüshke bashlighan

Muxbirimiz erkin
2021-01-18
Share
Yéngisar nahiyesining hakimi méhrigül ömer "Intizamgha xilapliq qilish" bilen eyiblinip tekshürülüshke bashlighan yéngisar nahiyesining hakimi, nahiyelik partkomning mu'awin sékritari méhrigül ömer. 2021-Yili yanwar.
Social Media

Yéngisar nahiyesining hakimi, nahiyelik partkomning mu'awin sékritari méhrigül ömer "Intizam we qanun'gha xilapliq qilish" bilen eyiblinip, xitay intizam tekshürüsh we riwiziye da'iriliri teripidin tekshürüsh astigha élin'ghan. U xitayning 2017-yili bashlan'ghan chong tutqunidin buyanqi 3-4 yil mabeynide tekshürüsh astigha élin'ghan nurghun Uyghur hökümet kadirining biridur. Tekshürüshning qandaq netijilinidighanliqi melum bolsimu, lékin ilgiri tekshürüsh astigha élin'ghan Uyghur kadirlirining asasen hemmisi aldi bilen wezipisidin élip tashlinip, andin jazalan'ghan.

Közetküchiler, xitay da'irilirining Uyghur kadirlirini wezipisidin élip tashlishi we jazalishi, xelq'arada "Irqiy qirghinchiliq" dep eyibliniwatqan xitay hökümitining Uyghurlarni basturush herkitining bir parchisi ikenlikini ilgiri sürüp keldi. Uyghur aptonom rayonluq intizam tekshürüsh we riwiziye komitétining uqturushida, méhrigül ömerning "Intizam we qanun'gha éghir xilapliq qilishqa chétilip, nöwette aptonom rayonluq intizam we riwiziye komitéti teripidin teqip astigha élin'ghanliqi we tekshürülüwatqanliqi" ni bildürgen, emma uning intizam we qanun'gha qandaq xilapliq qilghanliqi heqqide héchqandaq chüshendürüsh bermigen.

Bu yil 54 yashliq méhrigül ömerning xizmet hayati 1985-yili qeshqer darilmu'elliminni püttürüp, 1987-yili qeshqer konasheher nahiyesining zemin yézisida bashlan'ghuch mektep oqutquchisi bolush bilen bashlan'ghan. U 33 yilliq xizmet hayatida ayallar kadiri, mu'awin bazar bashliqi, nahiyelik ayallar birleshmisining mu'awin bashliqi, pilanliq tughut idarisining bashliqi, teshwiqat bölümi bashliqi we nahiyelik intizam tekshürüsh sékritari qatarliq wezipilerni ötigen. Méhrigül ömer 2012-yildin béri yéngisar nahiyesining hakimi, nahiyelik partkomning mu'awin sékritari wezipisini ötep kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet