Sabiq mehbus memettursun osman: "Xitay istixbarat xadimliri men bilen dubey yaki parizhda körüshmekchi bolghan"

Muxbirimiz shöhret hoshur
2019-06-21
Élxet
Pikir
Share
Print
Sabiq mehbus memettursun osman.
Sabiq mehbus memettursun osman.
Photo: RFA

Ötken yili gérmaniye puqrasi osman tursun xoten qamaqxanisidiki oghli memettursun osmanning xitay saqchiliri teripidin jasusluq üchün dubeyge yolgha sélin'ghanliqini pash qilghan idi. Bixeterlik endishisi we keypiyatidiki normalsizliq sewebidin bir yildin buyan axbarattin özini qachurup kelgen memettursun osman bu hepte ziyaritimizni qobul qilip, xitay dölet xewpsizliki xadimlirining özige tapshurghan deslepki wezipiler heqqide melumat berdi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Melum bolushiche, memettursun osman 2016‏-yili 5-ayda ikki akisi bilen birlikte gérmaniyediki dadisi osman tursun bilen istanbulda körüshken we shuningdin kéyin misirda bir mezgil ashpezlik qilghan memettursun osman dadisining tosushigha qarimay 2016 ‏-yilining axiri yurti xoten'ge qaytip ketken. U 2017 ‏-yili 3 ‏-ayda xotende tutqun tutqun qilin'ghan we gumadiki dölet amanliq saqchilirining qamaqxanisida 6 ay yatqan. Soraq jeryanida saqchilar uning gérmaniyediki dadisi osman tursunning dunya Uyghur qurultiyining aktip bir ezasi ikenlikini bilgen. Buning bilen uni xitay dölet xewpsizliki saqchilirining qamaqxanisigha yötkigen we 5 aydin kéyin chet'elde yashap turup xitay dölet xewpsizliki xadimlirigha uchur yetküzüp bérishi üchün dubeyge yolgha salghan. Dubeyge chiqipla heqiqiy ehwalni dadisigha melum qilghan memettursun osman aridin bir yilche ötkende, yeni shexsiy bixeterlik endishisi belgilik derijide peseygen we keypiyati bir'az turaqlashqandin kéyin bügün tunji qétim öz kechürmishlirini radi'omizgha ashkarilidi. 

Hörmetlik radi'o anglighuchilar, memettursun osmanning xitay dölet xewpsizliki qamaqxanisida körgen-bilgenliri heqqide kéyinki qétimliq programmilirimizda dawamliq melumat bérimiz.

Toluq bet