Ослодики намайиш садаси норвегийә-хитай вәкиллири сөһбәт үстилигә қәдәр йетип барған

Ихтиярий мухбиримиз әкрәм
2019-05-16
Елхәт
Пикир
Share
Принт
Ослода елип берилған бирләшмә намайиштин бир көрүнүш. 2019-Йили 15-май. Осло, норвегийә.
Ослода елип берилған бирләшмә намайиштин бир көрүнүш. 2019-Йили 15-май. Осло, норвегийә.
RFA/Ekrem

Ослодин игилигән мәлуматлиримизға асасланғанда, хитай хәлқ қурултийиниң рәиси ли җйәншуниң норвегийә зиярити мунасивити билән 15-май күни норвегийә парламенти алдида уйғурлар, тибәтләр, вейтнамлиқлар, фалунгоңчилар, хитай демократлири вә хәлқара кәчүрүм тәшкилати қатарлиқ органларниң һәмкарлишишида хитайға қарши бирләшмә намайиш елип берилған.

Норвегийә уйғур комитетиниң рәиси бәхтияр әпәндиниң баян қилишичә, хитай даирилириниң бу қетимқи норвегийә зиярити 2 милйондин артуқ уйғурниң җаза лагерлирида харлиниватқанлиқи хәлқарада җиддий диққәт тартиватқан һәмдә уйғур өктичи зиялийси илһам тохти «нобел тинчлиқ мукапати» ға намзат көрситилгән бир вәзийәткә тоғра кәлгән. Шуниң билән бир вақитта йәнә хитайға қарши намайишчиларниң намайиш орнини намәлум хитай тәшкилатлириниң алдин игиливалғанлиқи норвегийәдә зор ғулғула қозғиған. Мушундақ бир мәзгилдә елип берилған бу намайишни көзәткүчиләр наһайити көп болған.

Диққәткә сазавәр болғини шуки, бу қетимқи намайишта норвегийә парламенти алдидики мәйдандин айрилип қалған намайишчиларниң хитайға қарши товлиған җараңлиқ шоар садалири норвегийә-хитай даирилири сөһбәт өткүзүватқан залға қәдәр аңланған болуп, норвегийә телевизийә қаналлири бу саданиң хитайниң сөһбәт үстилигә қәдәр йетип барғанлиқини хәвәр қилған. Диққәткә тартидиған йәнә бир мәсилә болса 2 нәпәр парламент әзасиниң ли җйәншу киридиған ишик алдида «әркинлик!» дегән хәт йезилған вивискини көтүрүп хитайға етираз билдүрүп туруши һәмдә уларниң уйғурлар арисиға келип уларға мәдәт бериши болған. 

Дуня уйғур қурултийи иҗраийә комитетиниң муавин рәиси сәмәт абла әпәндиму бу қетимқи намайишниң үнүминиң наһайити яхши болғанлиқи тилға алди. Намайишқа қатнашқан патимә ханим болса бу қетимқи намайишта хитайни қоллиғучилар билән хитайға қарши күчләрниң икки сәптә туруп, бир биригә күч көрсәткәнликини әскәртти. 

Бәхтияр өмәр әпәндиниң билдүрүшичә, 17-май күни норвегийәниң стиваңер шәһиридиму хитайға қарши йәнә бир қетим намайиш елип берилидикән.

Пикирләр (0)
Share
Толуқ бәт