“Wetenperwer” diniy zat abdulla nuraji yette yashliq balining ölümi heqqide melumat berdi (3)

Muxbirimiz shöhret hoshur
2013.04.16
Share on WhatsApp
Share on WhatsApp
xumdan-305.png Xumdan
Public Domain

Ashkarilinishiche, pichanda yüz bergen 7 yashliq Uyghur balining 52 yashliq xitay küchmen teripidin chanap öltürülüsh weqeside, da'iriler jesetni esli qiyapitini özgertip, yeni weqening échinishliq jeryanini yoshurghan halette ölgüchi a'ilisige tapshurghan.

Töwende weqe heqqidiki mana mushuninggha oxshighan yene bir qisim tepsilatlar heqqide atalmish wetenperwer diniy zat abdulla nurajining éghizidin melumat alduq.

Melum bolushiche, jeset weqe yüz bérip 9 sa'ettin kéyin ölgüchi a'ilisige tapshurulghan. Jesetni körüp ghezep-nepriti partlighan kishiler arisidiki yashlar, bolqa we toqmaqlar bilen xumdan etrapidiki xitaylarning öylirige hujum qilsa, chonglar, jesetni kötürüp ürümchige apirish we döngbaza aldida namayish qilishqa urun'ghan. Yashlar saqchilar teripidin tutqun qilinip, chonglar atalmish diniy zat we xitay sékrétar teripidin pend-nesihet we wede bilen peskoygha chüshürülgendin kéyin, jama'et mesilini qanuniy yol bilen hel qilishning koyigha chüshken. Ular sotta ispat körsitish we zörür tépilsa weqeni xelq'aragha ashkarilap, dunya jama'itining diqqitini tartish üchün jesetni esli qiyapiti boyiche resimge alghan yeni jesetning tikilgen qisimlirini süküp, esli haliti boyiche widi'ogha alghan. A'ilining weqeni xelq'aragha ashkarilash niyitidin xewer tapqan xitay da'iriliri, derhal digharning we uninggha qoshna ikki yézining téléfon we intérnét mulazimitini késiwetken. Abdulla nurajining yene ashkarilishiche, bala bash teripidin chanalghan we bir qolining 4 barmiqi késiwétilgen. Ölgüchi a'ile-tawabi'atliri shu kéchisi balining chanalghan barmaqlirini ayrim xaltida kötürüp yürüp yighlap haz achqan we “Mushundaqmu wehshiylik bolamdu” dep zarlighan.

Yene melum bolushiche, nöwette xitay da'iriliri qatil xitayning nérwa késel ikenlikini teshwiq qilip, kishilerning ghezipini bésishqa we isyanning tekrar bash kötürüshining aldini élishqa tirishmaqta.

Yuqirida 7 yashliq Uyghur balining 52 yashliq xitay köchmen teripidin chanap öltürülüsh weqesi heqqide atalmish wetenperwer diniy zat abdulla nuraji bergen melumatlarning axirqi qismini diqqitinglargha sunduq.

Tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.