Mal doxtur memet ibrahimning türmide ölgenlikini alaqaghidiki mehelle bashliqliri delillidi

Muxbirimiz shöhret hoshur
2016-05-24
Élxet
Pikir
Share
Print
Ürümchi sheherlik 1-türme. 2014-Yili 24-séntebir, ürümchi.
Ürümchi sheherlik 1-türme. 2014-Yili 24-séntebir, ürümchi.
RFA

Shiwétsiyediki sherqi türkistan teshwiqat merkizi teripidin xewer qilin'ghan kucha alaqaghaliq mal doxtur memet ibrahimning türmide ölgenliki uchuri heqqide alaqagha saqchi xadimliri melumat bérishtin özini qachurghan idi.

Bügün muxbirimizning ziyaritini qobul qilghan alaqaghaning qanas we qitat kentliridiki ikki mehelle bashliqi memet ibrahimning türmide ölgenlikini delillidi. Ular memet ibrahimning türmide ölgenliki uchuridin xewer tapqanliqini bildürüsh bilen birlikte, mal doxtur memet ibrahimning ayali we baliliri barliqini, ata-anisining téxi hayat ikenlikini bildürdi.

Alaqagha saqchi xadimliri mal doxtur memet ibrahimning ehwali heqqide melumat bérishtin özini qachurghandin kéyin, biz memet ibrahim tewe bolghan qitat kenti we xizmet orni tewe bolghan qanas kentliridin melumat élishqa urunduq.

Bu ikki kenttiki mehelle bashliqliridin biri memet ibrahimning ölümidin yeni uning türmide ölgenlikidin xewiri barliqini éytti, u yene memet ibrahim bilen tonushluqi bolsimu, emma uning a'ilisige nezir yaki ölüm petisige baralmighanliqini, buninggha özining xizmettiki aldirashliqining seweb bolghanliqini eskertti.

Emma sherqi türkistan teshwiqat merkizining bu heqtiki xewiride da'irilerning mezkur a'ilini nazaret astigha élip el-jama'etning bu a'ilini ziyaret qilishini chekligenliki tilgha élin'ghan.

Memet ibrahim bilen a'ile boyiche bardi-keldi munasiwiti bar bolghan yene bir mehelle bashliqining bayan qilishiche, memet ibrahimning ayali we baliliri bar bolup, memet ibrahim wapat bolghandin kéyin ayali tirikchilik éhtiyaji bilen kenttin yötkilip nahiye bazirigha köchken.

Bu ikki mehelle bashliqi memet ibrahimning türmide ölgenlikini ashkarilighan bolsimu, emma uning tutulush, qolgha élinish we sotlinish jeryani heqqide melumat bermidi.

Sherqi türkistan teshwiqat merkizining xewiride bayan qilinishiche, mal doxtur memet ibrahim qol téléfonida tebligh anglighanliqi we teblighni saqlighanliqi üchün qanunsiz diniy pa'aliyet bilen shughullandi dep eyiblinip qolgha élin'ghan we türmide qéyin-qistaqta hayatidin ayrilghan.

Toluq bet