'5 - Iyul weqesi' din kéyin Uyghurlar chet'ellerge qachmaqta

Birleshme agéntliqi bügün "5 - iyul weqesi" din kéyin eng az dégende 300 ge yéqin Uyghurning chet'ellerge qéchip chiqqanliqini xewer qildi.
Muxbirimiz irade
2010-06-21
Share

Xewerde bildürülüshiche, "5 - iyul ürümchi weqesi" din kéyin hayatiy xewpke uchrighan bir qisim Uyghurlar xitaydiki qara qol guruhlirigha nechche on ming dollar pul tölesh arqiliq pasport we wiza hel qilip, chet'ellerge qéchishqa mejbur bolghan. Yene bir qisim Uyghurlar ottura asiyadiki qoshna ellerge qéchip chiqqan.

Birleshme agéntliqi muxbiri yéqinda gollandiyige qéchip chiqqan weli we patigül isimlik ikki Uyghur bilen söhbet ötküzgen. U, bu Uyghurlarning xitay ölkiliride nechche ay yoshurunup yürüp, xitay adem etkeschilirige pul bérish arqiliq gollandiyige kelgenlikini bildürgen we bu ikki Uyghurning ziyaret jeryanida ata - anisi we uruq - tughqanlirining bixeterlikini közde tutup heqiqiy ismini ashkarilimighanliqini eskertken.

Xewerde bildürülüshiche, muxbir gollandiyige qéchip kelgen we özini patigül dep tonushturghan qizning ürümchidiki a'ilisi bilen téléfonda ziyaret élip barghan. Patigülning apisi muxbirgha oghlining yoqap ketkenlikini, uni xitay saqchilirining tutup ketkenlikini éytip bergen we gollandiye hökümitining qizi patigülni qoghdap qélishini telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet