Авам палата әзаси франк волф обама һөкүмитиниң кишилик һоқуқ сияситини тәнқидләп, һөкүмәтни уйғурларға қулақ селишқа чақирди

Америка авам палата әзаси франк волф пәйшәнбә күни дөләт мәҗлисидә нутуқ сөзләп, обама һөкүмитиниң кишилик һоқуқ сияситини тәнқидлиди. У, обама һөкүмитини "кишилик һоқуқта садасини йүксәлтиш " кә чақирип, "асаси кишилик һоқуқни, диний әркинликни қоғдаш вә алға сүрүштә зувани ичигә чүшүп кетиватқанлиқи" ини, дөләт мәҗлисиниң бу саһәдики бошлуқни толдурушини тәләп қилди.
Мухбиримиз әркин
2010-07-23
Share

Франк волф, дөләт мәҗлисиниң омуми йиғинидики нутуқида йәнә, уйғурларниң нөвәттики вәзийити вә үрүмчи 5 - июл намайишчилириниң бастурулушини алаһидә оттуриға қоюп, обама һөкүмитини америка - хитай мунасивитини дәп кишилик һоқуққа сәл қараш билән тәнқид қилди. У, америка демократийини алға сүрүш фонди рәиси гришманниң йеқинда елан қилған мақалисидин нәқил кәлтүрүп, " даириләрниң намайишчиларға оқ чиқарғанлиқи, нәччә йүз киши өлгәнлики шундақла намайишчиларниң омумйүзлүк таяққа тутулғанлиқи, миңлиған кишиниң қолға елинғанлиқи вә районниң ташқи дуня билән алақси 10 ай үзүп ташланғанлиқи"ни әскәртти.

Франк волф йәнә, грешманниң төвәндики сөзлирини тәкрарлап,"америка вә хәлқара җәмийәт уйғурларниң өткән йили июлда йүз бәргән вәқә үстидин мустәқил тәкшүрүш елип бериш чақириқини қоллап, хитай даирилири билән һәқиқий диалог елип бериши керәк. Уйғурларниң нидаси чөл - җәзириләрни титрәтмәктә. Уларниң авазини аңлайдиған вақит кәлди"дәп тәкитлигән.

Франк волф, дөләт мәҗлисидики хитай кишилик һоқуқ хатирисигә көңүл бөлидиған сиясионларниң бири болупла қалмай, уйғурларниң кишилик һоқуқ вә демократийә һәрикитини йеқиндин қоллайдиған җумһурийәтчи сиясионларниң биридур.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт