Америкиниң юмшақ детал ширкити хитай һөкүмити үстидин сотқа әрз сунди

Америкиниң бир юмшақ детал ширкити хитай һөкүмитини 'техника оғрилиди' дәп әйибләп сотқа әрз сунуп, хитайдин 2 милярд 200 милйон америка доллири төләм тәләп қилди.
Мухбиримиз вәли
2010-01-06
Share

Бирләшмә агентлиқиниң баян қилишичә, америкидики сайберситтер Cybercitter юмшақ детал ширкити, хитай һөкүмити интернетни тосуш үчүн ишлигүзгән 'йешил тосма' дегән юмшақ детал мәсилисидә, хитай һөкүмитини вә 7 хитай ширкитини техника оғрилиди дәп сотқа әйибнамә йоллиди. Бу әрз түнүгүн лос анҗилис шәһиридики бир сот мәһкимисдә әнгә елинди.

Хәвәрдә ейтилишичә, хитайда һөкүмәт тәшәббус қиливатқан, әмма тор әһли қаттиқ қарши турған 'йешил сүзгүч' дәпму атилидиған бу юмшақ детал, америкиниң юмшақ детал ширкити тәрипидин ата - аниларниң өсмүрләрни назарәт қилишта қоллиниши үчүн ишләнгән учур сүзгүч юмшақ деталдики сипирлаштурулған шәртлик бәлгиләрдин 3 миң қурдин артуқ һәл қилғуч шәртлик бәлгә, хитай ширкәтлири тәрипидин оғрилинип, өз петичә йөткәп қоллинип ишләнгән. Бундақ қилимиш америкида башқиларниң техника һоқуқиға таҗавуз қилған җинайи қилимиш болуп һесаблиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт