Awstraliye xitayning awstraliyidiki bir tömür ruda kénigha meblegh sélishini tosti

Awstraliye xitayning wuxen polat - tömür shirkitining awstraliyidiki bir tömür ruda kénigha meblegh sélish pilanini awstraliyining dölet bixeterlik mesilisige chétilidighanliqi sewebi bilen tosqanliqini élan qildi.
Muxbirimiz erkin
2009.09.24

Awstraliye metbu'atlirining xewer qilishiche, xitayning wuxen polat tömür shirkiti awstraliye gherbiy tüzlenglik kan bayliqlar shirkitining jenubiy awstraliyidiki wuméra rayonida achqan bir tömür ruda kénining 50% pay chékini sétiwalmaqchi bolghan. Lékin, awstraliye hökümiti xitayning wuméra wadisidiki tömür ruda kénigha ige bolushini tosup, bu soda awstraliyining dölet bixeterlik mesilisige chétilidighanliqi, chünki tömür ruda kéni wuméra cheklen'gen rayonigha jaylashqanliqini, bu rayonda awstraliye armiyisining mexpiy qorallarni sinaydighan tejribe bazisi barliqini bildürgen.

Awstraliye dölet mudapi'e ministiri jon fo'ulknér, peyshenbe küni awstraliye metbu'atlirigha bergen bu heqtiki bayanatida awstraliye dölet mudapi'e ministirlikining wuxen polat tömür shirkitining herbiy baza rayonidiki tömür ruda kénining 50 % pay chékini sétiwélishini ret qilish hoquqi barliqini eskertip, tömür ruda kéni qoral yaraq sinaq qilidighan da'iridiki nazuk rayon hésablinidighanliqini ilgiri sürgen.

Bu weqe ikki dölet munasiwiti yéqinda xitayning awstraliye ri'o ténto kan shirkiti mes'ullirini qolgha élish shundaqla Uyghur rehbiri rabiye qadir xanimning awstraliyini ziyaret qilishi qatarliq sewebler tüpeylidin yirikleshken mezgilide yüz bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.