B d t her qaysi döletlerge somali déngiz qaraqchilirigha quruqluqqa chiqip zerbe bérish hoquqi berdi

Tötinchi qétimliq qararda, b d t ning her qaysi döletlerge déngiz, hawa, quruqluq küchlirini ishqa sélip, qolidin kelgenliki tedbirlerni qollinip, quruqluqqa chiqip, somali déngiz qaraqchilirigha zerbe bérishke hoquq bergenlikini jakarlidi. Bu qararning ünümlük waqti bir yil.

B b s ning bayan qilishiche, amérika layihiligen bu qarargha bélgiye, fransiye, grétsiye, libiriye we jenubiy afriqa imza qoyghan idi. Bügün somali déngiz térritoriyiside, köp dölet qisimliri somali déngiz qaraqchiliri teripidin görüge éliwélin'ghan xitayning jénxu 4 belgilik bir béliqchi paraxoti we uningdiki 30 adimini qutquzdi.

Xitayning 'yershari xewerliri' gézitining bayan qilishiche, xitay yéqinda somalining déngiz térritoriyisige muhapizet üchün herbiy paraxot ewetishni pilanlighanliqi, xitayning tinch okyandin bashqa déngiz tewesigimu özining déngiz küchlirini orunlashturush arqiliq siyasiy, diplomatiye we herbiy iqtidarini namayen qilidighanliqidin dérek béridu.

Xitayning bu herikitini somali hökümiti qarshi alghan we buni somalining tinchliqini qollighanliqi dep rehmet éytqan.