Dalay lama amérika prézidénti obama bilen körüshüsh üchün yolgha chiqti

Tibet diniy dahisi dalay lama, amérika prézidénti obama bilen körüshüsh üchün, bügün yeni seyshenbe küni hindistanning darimsala shehiridin yolgha chiqqan. Dalay lama yolgha chiqishning aldida xitay hökümiti arqa - arqidin amérikigha naraziliq bildürüp, obamani dalay lamani qobul qilishtin waz kéchishke chaqirghan idi.
Muxbirimiz shohret hoshur
2010-02-16
Share

Bügün dalay lamaning bayanatchisi Tenzin Taklha muxbirlarni kütüwélip dalay lamaning bu qétimqi obama bilen uchrishishining ehmiyitini chüshendürgen. Xitayning yéqinqi naraziliqliri üstide toxtalghan bayanatchi, "xitay néme dése désun, u xelq'ara jama'et pikrige qulaq salmay amali yoq" dégen. U dalay lama bilen obamaning uchrishishi dunya jama'etchilikining tibet mesilisige her waqit arilishidighanliqi heqqide hem xitay hökümitige, hem tibet xelqighe bériliwatqan küchlük signaldur, dégen.

Xewerlerdin qarighanda, dalay lama bu yil 4 ‏- ayda sherqi yawropa döletliridin silowaniyeni ziyaret qilidu. Slowaniye sabiq yugoslawiye parchilan'ghandin kéyin bölünüp chiqqan, uzun yillardin béri kommunizmning zulumigha uchrighan bir dölettur. Shunga dalay lamaning slowaniyeni ziyaret qilishi musteqilliq arzusidiki tibet xelqi üchün yene bashqiche ehmiyetke ige dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet