Tonuy bileyir bashchiliqidiki meslihetchiler guruppisi qeshqerge chet'el meblegh sélish ishlirigha yétekchilik qilidu

Xitay iqtisadiy xewerler toridin melum bolushiche, qeshqer sheherlik hökümet da'iriliri aldinqi küni en'gliyining sabiq bash weziri tonuy bileyir bashchiliqidiki meblegh sélishqa meslihet bérish we mutexessisler guruppisi bilen istratégiye hemkarliq kélishimi imzalighan.
Muxbirimiz irade
2012.02.23

Bu kélishim qeshqerge téximu köp chet'el meblighi we chet'elning ilghar téxnikisini jelp qilish arqiliq, chégra atlighan iqtisadiy hemkarliqlarni ashurushni meqset qilidiken.

En'gliye sabiq weziri tonuy bleyr neq meydan'gha sin'alghu arqiliq ulinip, kélishimni qarshi alghan. U, özi yétekchilik qiliwatqan bu guruppining qeshqerge chet'el meblighi we téxnikisining kirgüzülüshide rol oynaydighanliqidin memnun bolghanliqini ipade qilghan.

Xitay da'iriliri qeshqerni iqtisadiy échiwétish rayoni dep élan qilip, uni ottura asiyaning tijaret merkizi qilidighanliqini teshwiq qilmaqta. Közetküchiler en'gliyining sabiq weziri bashchiliqidiki bu guruppining qeshqerni sirtqa yüzlendürüsh ishlirigha qatnishishining qeshqerning xelq'arada tonulushigha ijabiy rol oynaydighanliqini bildürmekte.

Tarixtin melumki, 19-we 20-esirlerde en'gliye hökümiti qeshqer rayonigha siyasiy we iqtisadiy jehetlerdin alahide ehmiyet bergen. Qeshqerde uzun yillar en'gliyining konsulxanisi mewjut bolup turghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.