D u q doklat élan qilip, “5‏-Iyul weqesi” de iz-éreksiz yoqap ketken Uyghurlarni qutquzushqa chaqirdi

Xelq'ara kechürüm teshkilati, Uyghur kishilik hoquq programmisi qatarliq teshkilat we guruhlar “5‏-Iyul weqesi” mezgilide iz-déreksiz ghayib bolghan Uyghurlarning hésabini bérishni telep qilip, arqa-arqidin doklat élan qilghandin kéyin, bügün dunya Uyghur qurultiyi özining bu heqtiki mexsus doklatini élan qildi.

D u q ning ilgiri sürüshiche, mezkur doklat “5‏-Iyul weqesi” mezgilide iz-déreksiz ghayib bolghan Uyghurlarning weziyitige diqqet qozghash we ularni qutquzushni meqset qilghan.

Doklatta, iz-déreksiz yoqap ketken mutleq köp qisim kishilerning weqege arilashmighan gunahsiz kishiler ikenliki eskertilip: iz-déreksiz yoqap ketken kishilerning matériyalini tetqiq qilghan herqandaq kishi mundaq bir ortaq nuqtini perq ételeydu. Ulardin peqet ikki kishining Uyghur öktichisi ikenliki melum. Ziyankeshlikke uchrighan barliq kishiler yashlar. Ulardin peqet 2‏,3 kishi “5‏-Iyul weqesi” de ixtiyarsiz toqunushqa ariliship qalghandin bashqa qalghan barliq kishiler gunahsiz yashlar, dep körsetken.

Doklatta yene, iz-déreksiz ghayib bolghan Uyghurlarning a'ile tawabi'atlirining ularni izchil sürüshtürüp kelgen bolsimu, biraq hökümet da'irilirining ulargha héchqandaq uchur bermigenliki, bezide xata uchur bergenlikini ilgiri sürgen.

Mezkur doklat, “5‏-Iyul weqesi” ning 3 yilliqi munasiwiti bilen bir qisim döletlerdiki Uyghurlar namayish qilish, nezir ötküzüsh qatarliq usullarni qollinip, weqede ölgenlerni xatiriligen, iz-déreksiz ghayib bolghanlarning uchurini bérishni telep qiliwatqan bir mezgilde élan qilindi.