Uyghur biz we bir qisim xitay tor betliri zhurnalist gheyret niyazni qoyup bérish heqqide imza toplash herikiti bashlidi

Uyghurbiz tor béti bügün bir qisim xitay tor betliri bilen birlikte bayanat élan qilip, xitay hökümitidin zhurnalist gheyret niyazni qoyup bérishni telep qilghan we xitay ziyaliyliri arisida imza toplash herikiti bashlighan. Birleshme bayanatta bildürülüshiche, zhurnalist gheyret niyaz shawgu'en weqesidin kéyin Uyghur jama'et pikrini yéqindin közetken we hökümetni weqening aldini élishqa chaqirip teklip sun'ghan.
Muxbirimiz shöhret hoshur
2010.07.30
Share on WhatsApp
Share on WhatsApp

Bayanatta bildürülüshiche, gheyret niyaz weqedin kéyin chet'el muxbirlirigha qilghan sözide, 5 - iyul weqesining sewebini, Uyghurlarning rayondiki tebi'iy bayliq we tereqqiyattin xitaylar bilen teng behriman bolalmighanliqi dep körsetken. Bayanatta, gheyret niyazning heqni sözligenliki we uning sözlesh hoquqining hörmet qilinishi kérekliki bildürülgen. Bayanatta eger gheyret niyazgha bérilgen 15 yilliq qamaq jazasi ijra qilinsa, milletler munasiwitidiki keypiyatni téximu jiddiyleshtüriwétidighanliqi, bir qisim radikal qarshiliqlarning kélip chiqishigha türtke bolup qalidighanliqi eskertilgen.

Bu imza toplash herikitini Uyghurbiz tor békiti, boshön, senyü we kishi'ik hoquq qatarliq xitay tor betliri birlikte bashlighan. Hazirgha qeder bu chaqiriqqa, béyjing, gu'angju, nenjing we chéngdu qatarliq sheherlerdiki wang léshiyung, süy wéyping qatarliq 20ge yéqin xitay yazghuchi we tetqiqatchiliri imza qoyghan. Musteqil tetqiqatchi ilham toxtining imzasimu imza tizimlikining bash qismidin orun alghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.