Gu'angdungning emeldari wang yang 18-qurultay dawamida islahat sho'arini tekitlidi

“Kompartiye ezasi démek, eslide islahatchi démektur” dégen wang yang, gu'angdung ölkisining islahatning netijilirini körgenlikini, shunga gu'angdungning we pütün junggoning islahat yolida dawamliq ilgirileydighanliqini bildürgen. Gerche wang yang konkrét siyasiy islahat heqqide toxtalmighan bolsimu, uning sezgür bir mezgilde islahat sözini tekitlishi közetküchilerning diqqitini tartti؛ chünki wang yang nöwette xitayning aldinqi qatardiki rehberliri arisida islahatchi pikir we pozitsiyisi bilen tonulghan shexslerdin biri.

U 2009-yili 5-iyul weqesi yüz bergende weqe heqqide musteqil pikir bayan qilghan emeldarlardin biri bolup, u shu chaghdiki sözide, Uyghur rayonida yolgha qoyuluwatqan milletler siyasitide mesile barliqini ashkara bayan qilghan.

Nöwette bezi közetküchiler, wang yangning siyasiy byuroning da'imiy komitéti eza bolup kirish- kirelmesliki, xitayning buningdin kéyinki siyasiy yönilishi heqqide belge béreleydighan bir isharet dep qarashmaqta.