Арал дөлити - палав гүәнтанамодики 17 нәпәр уйғурниң һәммисини қобул қилмақчи

Тинч окянға җайлашқа арал дөлити - палав гүәнтанамодики 17 нәпәр уйғурниң һәммисини қобул қилидиғанлиқини билдүргән болуп, палауниң америкида турушлуқ әлчиси бу һәқтики хәвәрләрни дәлиллиди.
Мухбиримиз җүмә
2009-06-10
Елхәт
Пикир
Share
Принт

Бу һәқтә зияритимизни қобул қилған палавниң америка пайтәхти вашингтонда турушлуқ баш әлчиси һерсей кйота әпәнди өз дөлитиниң гүәнтанамодики 17 нәпәр уйғурни қобул қилиш қарари һәққидә тохтилип, бу уйғурларниң террорчи әмәсликини, пәқәт әнсиз йилларда намувапиқ җайда туруп қалғанлиқи сәвәбидинла бу хил дишварчилиқларни тартқанлиқини, шуңа инсанпәрвәрлик нуқтисидин бу уйғурларға башпанаһ болушни тоғра тапқанлиқини илгири сүрди. У йәнә бундақ қилишниң америка - палав мунасивәтлирини илгири сүридиғанлиқини билдүрди.

Бирләшмә агентлиқиниң бүгүнки хәвиригә қариғанда, палав президенти җонсон торибиоңму гүәнтанамодики 17 нәпәр уйғурни " инсанпәрвәрлик ярдими" сүпитидә қобул қилишини қарар қилғанлиқини билдүргән.

Палав 1994 - йили мустәқил болған арал дөлити болуп, мәзкур дөләтниң дөләт мудапиә бихәтәрликини америка армийиси үстигә алған.

Палав хитайниң мустәқиллиқни етирап қилмай, тәйвән билән дипломатик мунасивәт орнатқан дөләтләрниң бири.


Пикирләр (0)
Share
Толуқ бәт