Хитай ахбарат саһәси шәнбә күни гогулға һуҗум қилди

Сингапорда чиқидиған боғуз вақит гезитидә көрситишичә, бу хилидики һуҗумлар хитайниң "шинхуа", "хитай күндилик гезити" вә хитай хәлқара радиолирида көрүнгән.

Хәвәрдә нәқил қилинишичә, шинхуа агентлиқида бу һәқтики хәвиридә "хитайдики гугул издәш маторини ишләткүчиләр гогулниң америка истихбарат органлири билән алақиси болуши мумкинлики, гогулда издәш хатирисиниң америкиниң истихбарат органлири тәрипидин ишлитилидиғанлиқини чүшәнмисә керәк" дегән. Һалбуки гугул ширкитиниң бейҗиңдики баянатчиси бу һәқтә тохтилишни халимиған.

Хитай күндилик гезитидә гогулниң хитай билән хата ейтишип қалғанлиқи илгири сүрүлгән вә хитай хәлқиниң 5000 йилдин буян әркинликтин бәһриман болуп келиватқанлиқи оттуриға қоюлған.

Хитай хәлқара радио истансиси төр бетидә, гугул, хитайниң игилик һоқуқиға дәхли қилди дәп әйибләнгән.

Бу йилниң беишида гогулниң хитай тармиқи хитай хаккерлириниң һуҗумға учриғанлиқини вә хитайда һәрхил сиясий чәклимиләргә учриғанлиқи үчүн хитайдин чиқип кетиши мумкинликини оттуриға қойған иди.