Интернетта демократийә һәққидә мақалә язған хитай яш 8 йиллиқ қамақ җазасиға учриди

Сав хәйбу исимлик бир хитай яш интернетқа демократийини яқилайдиған мақалиләрни йоллиғанлиқи үчүн хитай даирилири тәрипидин 8 йиллиқ қамақ җазасиға һөкүм қилинған. Униң адвокати ма шявпеңниң франсийә агентлиқиға билдүрүшичә, күнмиң шәһәрлик сот тәрипидин көрүлгән давада у “дөләтни ағдурушқа урунуш” җинайити билән әйибләнгән.
Мухбиримиз ирадә
2012.11.01

Сав хәйбу бу йил 27 яшқа киргән болуп, у интернетта иҗтимаий мәсилиләр үстидә муназирә қилидиған бир әркин гуруппа тәшкил қилип, бу муназирә тор бетидә демократийә һәққидә муназириләрни қилған. Адвокатиниң билдүрүшичә, сот даирилири униң интернетта қурған бу гурупписини вә чәтәлләрдики тор бәтләрдә елан қилинған мақалилирини униң җинайәт испати қатарида ишләткән.

Буниңдин сирт, сот даирилири мәзкур давани дөләт мәхпийәтликигә аит дава дәп йепиқ сот шәклидә сотлиған. Сав хәйбуниң адвокати хитай даирилириниң 18-қурултай алдида өктичи затларға болған бастурушни һәссиләп ашурғанлиқини билдүргән. Америкида турушлуқ хитай кишилик һоқуқ тәшкилати мәзкур вәқәгә қаттиқ наразилиқ билдүрди. Улар бүгүн елан қилған баянатида, хитай һөкүмитини пикир әркинликини боғуш билән әйиблиди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.