Хәлқара кәчүрүм тәшкилати қорғас наһийисидә йүз бәргән шөһрәт турсун паҗиәси һәққидә чақириқ елан қилди

Чақириқта, мәзкур тәшкилат дуняниң һәрқайси җайлиридики әзалири вә қоллиғучилириға хитап қилип, шөһрәт турсун паҗиәсидики җавабкарниңниң сотқа тартилиши һәққидә  алақидар орунларға  хәт йезиш тәләп қилинған.

Өткән һәптә шөһрәт турсун паҗиәси дуняға ашкариланғандин кейин, хитай даирилири шөһрәт турсунниң достлиридин һаҗимәмәт вә абдусалам насирни "дөләт мәхпийәтликини ашкарилаш" гумани билән тутқун қилған иди. Кәчүрүм тәшкилати мәзкур чақириқида, һаҗимәмәт вә абдусаламниң хәлқара қанун өлчәмлири бойичә шәртсиз қоюп берилиши керәкликини оттуриға қойған.

Бүгүн йәнә хоңкоңдики хоңкоң мухбирлар җәмийити, 1350 кишидин имза топлап, үрүмчи вә сичүәндә хоңкоңлуқ мухбирларниң таяқ йейиш вәқәси һәққидә хитай һөкүмитигә тәләпнамә сунған.

Тәләпнамидә, үрүмчидә вә сичүәндә тәкшүрүш елип беришниң тоғра вә қануний бир паалийәт икәнлики әскәртилип, мухбирларға қол тәккүзгән сақчиларниң җавабкарлиққа тартилиши тәләп қилинған.