Awstiraliye kino féstiwali xitayning bésimigha tiz pükmeydighanliqini bildürdi

Awstiraliye xelq'ara kino féstiwalining bayanatchisi lo'isa xeséltin, kino féstiwalining teshkili hey'iti héchqachan béyjingning bésimigha tiz püküp, "muhabbetning 10 sherti"ni féstiwalgha qatnashturushtin chékindürüp chiqish yaki rabiye xanimni mihman süpitide kütüwélishtin waz kéchishni oyliship baqmighanliqini jakalighan.

U fransiye axbarat agéntliqigha bergen bu heqtiki bayanatida mundaq dégen ": féstiwalda bu filimni qoymasliqning héchqandaq yoli yoq", "u elwette féstiwalgha qatnishidu".

Awstiraliye, kanbérradiki xitay elchixanisining rabiye qadir xanimgha wiza bermeslik, uning kino féstiwaligha qatnishishini cheklesh heqqidiki bésimigha tiz püküshni ret qilghandin kéyin, xongkong, teywen we xitay chong qururuluqidin milborindiki kino féstiwaligha qatnishidighan xitay tilidiki pütün kino ‏ - filimler féstiwalni bayqut qilghan.