Д у қ мисир президентини хитай зияритидә уйғур мусулманлириниң диний әркинлик мәсилисини оттуриға қоюшқа чақиридиғанлиқини билдүрди

Д у қ баянатчиси дилшат ришит пәйшәнбә күни радиомизға сөһбәт елан қилип, мисир президенти муһәммәт мурсиниң келәр һәптидики хитай зияритидә уйғур мусулманлириниң диний әркинлик мәсилисини оттуриға қоюшини үмид қилидиғанлиқини билдүрди.
Мухбиримиз әркин
2012.08.23
Share on WhatsApp
Share on WhatsApp

Хитай ташқи ишлар министирлиқи баянатчиси хуң лейниң чаршәнбә күни ашкарилишичә, мисирниң мусулман қериндашлар тәшкилатидин болған мәзкур исламчи президенти 28‏-авғусттин башлап хитайни 3 күн зиярәт қилип, бәзи һәмкарлиқ келишимлирини имзалайдикән вә икки тәрәп көңүл бөлидиған хәлқара, район характерлик мәсилиләр һәққидә музакирә елип баридикән. Бирақ хуң лей, қандақ келишимләрни имзалайдиғанлиқи вә қандақ мәсилиләрни музакирә қилидиғанлиқи һәққидә тәпсилий учур бәрмигән.

Униң бейҗиң сәпири хитай һөкүмитиниң рамзанни баһанә қилип, уйғур мусулманлириға қаритилған диний ясақни күчәйткән, бәзи районларда ропаш аялларниң кочиға чиқиши, дукан, дохтурхана, аммиви сорунларға киришини чәкләш қатарлиқ тәдбирләрни йолға қоюп, ғәрб әллири, хәлқара кишилик һоқуқ органлири вә чәтәлдики уйғур тәшкилатлириниң қаттиқ тәнқидигә учриған мәзгилгә тоғра кәлгән.

Хитай ташқи ишлар министирлиқи мурсиниң хитайни зиярәт қилидиғанлиқини елан қилған шу күни йәнә, мисир президентиниң баянатчиси ясер ели мурсиниң 23‏-сентәбирдин башлап америкини 3 күнлүк зиярәт қилидиғанлиқини җакарлиған.

Мусулман қериндашлар ниң мисирдики сайламда ғәлибә қилиши америка һөкүмитиниң диққитини қозғап, уларниң ғәрбкә қарши пилани бар-йоқлуқини тәқиб астиға алған. Лекин мусулман қериндашлар йеқинда вашингтонға вәкилләр өмики әвәтип, өзлириниң тәрәққийпәрвәр ислами тәшкилати икәнлики вә америкиға қарши пилани йоқлуқини чүшәндүргән.

Дилшат ришитниң илгири сүрүшичә, мурсидәк диндар бир мусулман президентиниң хитай зиярити, уйғур мусулманлириниң диний һоқуқиға һөрмәт қилишни тәләп қилишниң яхши пурсити.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.